Trúarathöfn glópa, þjóðkirkjuprestur blessar rafmagn

Trúarathöfn var haldin út á Granda með þjóðkirkjuprest í fullum herklæðum.

Söfnuðurinn trúir á manngert veður og krefst lækkunar á hitastigi jarðar. Í frostinu út á Granda var olíu formælt en rafmagn blessað. Guð almáttugur kemur hvergi við sögu.

Trúin á mátt mannsins eykst í réttu hlutfalli við ofstækið.  

Athugasemdir

[Jón Valur Jensson, 6.12.2019 kl. 15:52]

Þessi særingamaður Davíð Þór Jónsson hefur aldrei verið trúverðugur sem prestur.

Sbr. þessa ádrepu, þar sem villukenning hans kemur við sögu: 

Hefur biskup Þjóðkirkjunnar gefið trúna á fæðingu Jesú í Betlehem upp á bátinn?

[Heimir Lárusson Fjeldsted, 6.12.2019 kl. 17:38]

Mann setur hljóðan.

[Benedikt Halldórsson, 6.12.2019 kl. 17:51]

Í gær hefðu þegnar á plani hlegið að gríninu út á Granda. Í dag er Davíð Þór prestur sem leggur ekki skipanir alþjóðlegrar elítu í hégóma - í ritningu hennar er það glæpur gegn mannkyni að efast.

Miðað við umsnúninginn frá gríni yfir í glæp - má alveg eins búast við að villutrúarfólk verði handtekið á morgun. 

[Benedikt Halldórsson, 6.12.2019 kl. 18:44]

Spádómar segja eru að allt fari á kaf vegna olíusynda mannsins.

En sjávarborð hækkar aðeins um tvo millimetra á ári (2,1mm), tikk, takk, eins og klukka sem flýtir sér ekki einu sinni vegna olíunnar og því mun Sódóma og Gómorra því miður ekki fara á kaf í tæka tíð fyrir næstu ísöld. 

Obama aðalpredikarinn, á nú heima flottu húsi með aldingarð, við fallega sólríka strönd, sannkallaða paradís, sem á samkvæmt hamfaraspádómum að fara á kaf bráðlega. Obama veit betur, öfugt við Davíð Þór sem er svo trúaður í kuldaúlpu út á Granda í frosti og kulda.