Kennarar móðgast og börnin sitja heima

Samfylkingin á Nesinu segir í fréttatilkynningu um skólamál á Seltjarnarnesi: ,, Það er ljóst að það voru atriði í námsmatinu sem þörf var á að uppfæra og að skólinn hafði getað mætt ábendingum foreldra fyrr." 

Að öðru leyti varpar Samfylkingin allri ábyrgð frá sér og vísar á meirihluta sjálfstæðismanna, sem hafa enn ekki útskýrt hvaða reimleikar eru í skólamálum bæjarins.

Í bréfi til foreldra útskýra kennarar sína hlið málsins ,,um­fjöll­un hef­ur haft þau áhrif inn í skól­ann að kenn­ur­um og stjórn­end­um finnst frek­lega að sér vegið og kenn­ar­ar treysta sér ekki til að taka á móti nem­end­um í dag."

Í stuttu máli þá móðguðust kennarar og stjórnendur og lögðu niður vinnu.

Þar með er mál sem ætti að vera á vettvangi skóla, foreldra og bæjaryfirvalda á Nesinu orðið að opinberri móðgunargirni sem er nánast óseðjandi eftir að hún kemst í hámæli fjölmiðla.

Einfalt ráð er að móðgast eilítið minna og leggja aðeins meira á sig að finna lausnir. Það er öllum fyrir bestu. Farsinn sem annars fer af stað skaðar alla viðkomandi.

 

 

Bæjarfulltrúar hafi vegið gróflega að skólafólki

Athugasemdir

[Ragnhildur Kolka, 2.12.2019 kl. 16:34]

Þarf ekki bara að benda kennurum á hvert hlutverk þeirra er í kennslustofunni og að þar eru börnin í fyrsta sæti.