Samherji og Baugur, Þorsteinn og Jón Ásgeir

Samherji er samkvæmt skilgreiningu saklaus eins og hvítvoðungur, rétt eins og Baugur á tímum útrásar. Þeir sem efast um skilgreininguna eru vondir menn og illgjarnir, segir Þorsteinn Már núna og Jón Ásgeir Baugsstjóri á sínum tíma.

Annað tveggja eru Þorsteinn Már og Jón Ásgeir óvenju hreinlífir menn sem mega ekki vamm sitt vita eða óvenju ósvífnir, telja sig hafna yfir lög og rétt.

Í öllu falli kann hvorugur tvímenninganna, sem áttu og stjórnuðu Íslandsbanka fyrir hrun, að hanna ímynd af sér sem almenningur trúir. Báðir þykjast bjargvættir, Þorsteinn Már í norðlensku atvinnulífi og Jón Ásgeir að selja almenningi ódýran mat, en eru fyrst og fremst dugnaðarforkar sem sjást ekki fyrir.

Bjargvættur fórnar sér fyrir almannahagsmuni en duglegi auðmaðurinn skarar eld að eigin köku. Almenningur sér í gegnum tvöfeldni þeirra sérgóðu sem þykjast annað en þeir eru.

Tvöfeldni er í sjálfu sér enginn glæpur. En hún eykur ekki trúverðugleika.

 

Rannsaka starfsemi Samherja í Afríku

Athugasemdir

[Helga Kristjánsdóttir, 12.11.2019 kl. 19:39]

Hið opinbera fær gusur af skömmum um misgerðir og plat,vel stæðir athafnamenn eiga ekki að geta verið svona ríkir nema brögð séu í tafli.  

Einu sinni var hvert einasta barn í skóla frá 1942/3 beðinn að segja frá hvað það hefði sagt eða gert rangt. Allir höfðu eitt og annað á samviskunni,en sá eini sem laug- laug upp á sjálfan sig því hann vildi ekki vera lakari en hinir

"Ég stalst í bíó"   Barnaskóli á Akranesi.

[Óskar Kristinsson, 12.11.2019 kl. 20:57]

Eg veit nú ekki um neinn sem hefur séð þorstein má svíva á hvítum vængjum.

[Ingibjörg Magnúsdóttir, 12.11.2019 kl. 21:37]

Þorsteinn Már og Jón Ásgeir áttu Glitni banka fyrir Hrun, (nú Íslandsbanki) sem þeir rústuðu. Og nú er Samherji, fyrirtæki Þorsteins að rannsaka sjálft sig, með því að ráða lögmannsstofu til verka. Er þetta trúverðugt? Maður spyr sig.