Pólverjaandúð á Eyjunni

Eyjan segir í fyrirsögn um kosningahegðun Pólverja á Íslandi í nýafstöðnu þingkosningum í heimalandi þeirra:

25% Pólverja á Íslandi kusu öfgahægriflokk sem á rætur í nýnasisma

Efnislega er fyrirsögnin röng. Í fréttinni sjálfri segir að aðeins um 12 prósent Pólverja hér á landi hafi greitt atkvæði.

Texti fréttarinnar gengur út á að gera Pólverja á Íslandi að fasistum. Þar segir m.a.

Á Íslandi kusu næstflestir bandalag öfga hægriflokka, Bandalag um frelsi og sjálfstæði. Hann er samansafn minni flokka sem sumir eiga rætur í nýnasisma...

Það er óviðkunnanlegt, svo ekki sé meira sagt, að skrifa svona um fólk sem býr og starfar hér á landi í sátt við guð og menn. 

Eyjan hlýtur að biðjast afsökunar á fréttinni.


« Síðasta færsla | Næsta færsla »

Athugasemdir

1 Smámynd: Halldór Jónsson

Alveg er mér sama hvort Eyjan biðst afsökunar eða ekki eða hvað svo sem þar er skrifiað,

Meirihluti Pólverja á Íslandi kaus flokkinn sem tapaði.

Halldór Jónsson, 15.10.2019 kl. 13:45

2 Smámynd: Jón Valur Jensson

Magnús Þór Hafsteinsson, fyrrv. fréttaritari Rúv í Noregi, ritstjóri og rithöfundur, átti mjög afgerandi innlegg í símaþátt Péturs Gunnlaugssonar lögfræðings á Útvarpi Sögu nú fyrir hádegið. Hafði honum blöskrað einhliða og óupplýstur fréttaflutningur "RÚV" af pólsku kosningunum, og var því þó kostað til að senda fréttakonu þangað á vettvang, unga konu óþekkta, sem reyndist áberandi hlutdræg og fordómafull.

Þetta var snilldarinnlegg frá Magnúsi Þór og gaf góðar og eðlilegar skýringar á því, af hverju stjórnarflokkurinn Lög og réttlæti vann sinn mikla kosningasigur (fylgisaukning úr 37 í tæp 44%), þ.e.a.s. vegna þess að flokkurinn hefur unnið í þágu alþýðu, með jöfnun launa í landinu og hækkun lámarkslauna, ennfremur með því að koma atvinnuleysi niður í 5% (það þriðja lægsta í ESB) og hagvexti upp í 5% sömuleiðis, og fjarri fer því, að landið sé lokað fyrir útlendingum, því að þar fær fjöldi manna frá Úkraínu o.fl. löndum vinnu í þeim uppgangi sem þar er nú í efnahagslífinu. "Spekileki" eða landflótti vel menntaðra Pólverja í leit að (betri) vinnu hefur líka minnkað umtalsvert.

Það er þetta sem pólskur almenningur horfir á og lætur Lög og réttlæti njóta heiðursins. Aðeins gaddfreðnir Rúvarar og þvílíkir eintrjáningar ímynda sér að þessi ágæta þjóð þrífist á fordómum og útlendingahatri!

Dobry dzen, Pólverjar!

Jón Valur Jensson, 15.10.2019 kl. 14:28

3 Smámynd: Jón Valur Jensson

Magnús Þór er núna, á 5. tímanum, í síðdegisviðtali á Útvarpi Sögu, sennilega til kl. 5, og er að ræða Pólland.

Jón Valur Jensson, 15.10.2019 kl. 16:29

4 Smámynd: Benedikt Halldórsson

Ritstjórnin er auðvitað að vara við að Pólverjar ráðist aftur inn i Þýskaland. 

Það er ofbeldi að ásaka fólk um nasisma. Nasistar myrtu 6 milljónir gyðinga með ísköldu blóði. 

Benedikt Halldórsson, 15.10.2019 kl. 17:49

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband