Nató er deyjandi félagsskapur

Nató-ríkið Tyrkland herjar á Kúrda, sem vestræn ríki hafa samúð með. Nokkur Nató-ríki hafa lýst vopnasölubanni gagnvart Tyrklandi og Bandaríkin hóta viðskiptaþvingunum.

Nató er sem hernaðarbandalag á fallandi fæti. Aldrei var það sterkt á sviði diplómatíu. Ófriður Tyrkja á hendur Kúrdum mun flýta hnignun Nató.

Hernaðarbandalagið var stofnað í upphafi kalda stríðsins og gekk ljómandi vel á meðan óvinurinn var Sovétríkin og heimskommúnisminn. Eftir fall Berlínarmúrsins reynir Nató að umskapa sig sem verktaki hjá Bandaríkjunum í miðausturlöndum annars vegar og hins vegar ESB í Austur-Evrópu. Nató-ríkjum fjölgaði úr 12 í 29. Um leið verður hernaðarbandalagið sjálfu sér sundurþykkara, samanber háttsemi Tyrkja.

Gjaldfall Nató sést á aukinni umræðu um Evrópuher og áherslu Bandaríkjanna á tvíhliða hernaðarsamstarf, t.d. við Íslendinga.

Íslendingar þurfa að venjast þeirri tilhugsun að landið er á áhrifasvæði Bandaríkjanna en ekki Evrópu. Fíkjublaðið Nató duldi lengi vel þessa staðreynd en það fýkur með haustlægðinni.

Bandaríkjaher yfirgefur Sýrland

Athugasemdir

[Benedikt Halldórsson, 14.10.2019 kl. 08:52]

Tek undir hvert orð.

[Þorsteinn Sch Thorsteinsson, 14.10.2019 kl. 09:53]

Sæll Páll, 

Við ættum að vera fyrir löngu farin úr þessu ógnar- og öfgabandlagi NATO, svo og líka eftir alla þessa stríðsglæpi er NATO hefur staðið fyrir í Líbýu, fyrrum Júgóslavíu og Kosovo, nú og fyrir að hafa notað vopn eins og hvítan phosphorus (WP) sem er bannað er að nota á almennaborgara.
KV. Þorsteinn

   

[Guðmundur Ásgeirsson, 15.10.2019 kl. 01:31]

Viðskiptablaðið - Tyrkland úr NATO?

Tyrkland úr NATO ? - bofs.blog.is