Gréta og græni fasisminn

Í metsölubókinni Hann er kominn aftur segir af endurkomu Hitlers og viðtökunum sem hann fær í Þýskalandi samtímans. Foringinn endurlífgaði er hrifnastur af Græningjaflokknum. Hann er einnig píratískur tölvunörd, slær inn leitarorðið ,,heimsyfirráð" og finnst mikið til koma um möguleika netsins til valda og áhrifa.

Í kvikmyndaútgáfu bókarinnar, sem er á Netflix, er austurríski liðþjálfinn sýndur sem kröftugur maður í leðurfrakka. Samtímaheimildir um Hitler sýna femíníska drætti, t.d. hvernig hann strýkur vangann og krosslegur fætur. Endurvakningin er hreint hörkutól án nokkurs kvenleika - og staðfastur græningi.

Vel að merkja: hinn sögulegi Hitler var grænmetisæta. Traudl Junge, einkaritari foringjans, segir segir í bók sinni, Til hinstu stundar, að Hitler vildi ekki afskorin blóm í híbýlum sínum með þeim rökum að hann taldi ekki lík til skrauts. 

Bandaríska vinstriútgáfan New Republic segir að grænn fasismi njóti vaxandi vinsælda austan hafs og vestan. Hrein náttúra, hrein vistkerfi og hreinir kynþættir er þrá eftir einfaldleika sem blundar í fólki. Og, auðvitað, hreinar einfaldar lausnir.

Fjöldamorðinginn Breivik, segir í grein New Republic, vitnaði í grænar áherslur. Starfsbróðir hans í Christchurch lét í ljós sömu meiningar.

Eins og gefur að skilja eru fasísku græningjarnir ekki ýkja hrifnir af flóði framandi útlendinga í vestrænan aldingarðinn. Vitnað er í finnskan vistfræðing, sem nýtur vaxandi álits í hreyfingunni. Pentti Linkola skrifar: ,,Þegar björgunarbáturinn er yfirfullur munu þeir sem hata lífið reyna að taka fleiri um borð og sökkva fleyinu. Þeir sem elska og virða lífið taka skipsöxina og höggva á hendur þeirra sem dauðhalda í síðu bátsins."  

Annar Norðurlandabúi, Gréta Thunberg, fer með himinskautum að bjarga heiminum frá hamfarahlýnun af mannavöldum og hruni vistkerfa. Gréta er eins og klippt úr veggspjaldi frá Þýskalandi laust fyrir miðja síðustu öld. Arísk ásjóna römmuð inn með hárfléttum á hvorri hlið.

Góða fólkið lyftir Grétu á stall og græningjar tilbiðja hana. Heimsyfirráð eru í nánd. 

 

Segja Gretu Thunberg „truflaðan Messías“

Athugasemdir

[Þorsteinn Sch Thorsteinsson, 29.9.2019 kl. 10:33]

[Benedikt Halldórsson, 29.9.2019 kl. 13:58]

Monster Frankeinstein hatar lýðræði og "leiðréttir" því kosningaúrslit með haturspeningum sínum ef þau eru ekki að hans brjálaða skapi, hvort heldur það er Brexit eða Trump - ávallt í nafni mannúðar og umhyggju. En til að allt gangi vel hefur Frankeinstein endurunnið fólk í sinni mynd með mörg hundruð endurvinnslustöðvum út um allan heim, sem hefði gert Göbbels grænan af öfund ef hann væri ekki bara næringarrík gróðurmold í dag.

Gulli og Greta vitnuðu á heimsþingi Sameinaðra endurvinnslustöðva. Gulli skrifaði fyrir tæpu ári undir afsal að gamla draslinu sem fylgdi Jóni Sigurðssyni en sjálfsstæðisdótið og landamæri Íslands og álíka rusl er víst bara hættuleg þjóðremba að mati endurunna. Alþingi á aðeins eftir að staðfesta að allir í heiminum fái sömu borgararéttindi og íslendingar. En ríkið á að endurmennta blaðamenn og refsa tossum. 

Monster Frankeinstein hefur fjárfest grimmt í vísindaskáldskap en hann "á" stjórnmálamenn og handfylli af voldugustu "vísindamönnum" sem leggja vísindamenn í einelti sem ekki fá sömu útkomu. Frankeinstein "á" of marga, sem áður voru kallaðir "blaðamenn" sem hafa það hlutverk að fella fortíðina og nútíðina að vísindaskáldsögunni, en á sama tíma fjárfestir hann og álíka freskur í nýrri orku sem er skipt út að óþörfu fyrir þá gömlu. Þeirra er framtíðin. 

Hitatölur fortíðarinnar í Reykjavík eru "leiðréttar" svo þær trufli ekki söguþráðinn sem Monster Frankeinstein og börnin hans eru að spinna. Það var heitast í Reykjavik í kringum 1940 en svo kólnaði að meðaltali til ársins 1979 en eftir það fór að hitna, þó ekki meira en svo að það er jafnvel "kaldara" eftir 1940 en fyrir. Meðalhiti rúmlega hundrað ár hefur aðeins hækkað um eina gráðu og sú gráða fékkst að stærstum hluta fyrir 1940 - áður en Kína og Indland iðnvæddust. 

Rewriting Iceland eftir Tony Heller

https://www.youtube.com/watch?v=H7lgKjvAqt4

[Kolbrún Hilmars, 29.9.2019 kl. 14:11]

Það er ekkert að því að Gréta hræði börnin hvað varðar sóun og sóðaskap. Foreldrakynslóðin þeirra ólst líka upp í skugga óttans, að vísu af öðrum ástæðum.  En hætt er við að vinsældir hennar dali ef foreldrar skrúfa fyrir mengandi utanlandsferðir fjölskyldunnar.  Það eru ekki allir sem hafa afnot af seglskútum Monaco.

[Helga Kristjánsdóttir, 29.9.2019 kl. 14:21]

Frankeinstein boy verður þá að láta börnin sín afsanna að eftir Heklu og Kötlugos hafi verulega kólnað, þrátt fyrir mikið magn co2 í loftinu.

[Benedikt Halldórsson, 29.9.2019 kl. 15:07]

Góður punktur Kolbrún.

Góð spurning Helga. 

[Benedikt Halldórsson, 29.9.2019 kl. 15:44]

1970: Það er að koma ísöld, við munum öll deyja!

1980: Súrt regn, við munum öll deyja!

1990: Ósónlagið er götótt, við munum öll deyja!

2000: Hlýnun jarðar er að bræða alla jökla, við munum öll deyja!

2010: Hamfarahlýnun! Eftir 12 ár munum við öll deyja!

2018: Hamfarahlýnun! Eftir 12 ár munum við öll deyja!

[Hörður Þormar, 29.9.2019 kl. 15:56]

Eitt sinn var það stefna góðra íhaldsmanna að koma í veg fyrir örar breytingar og viðhalda gömlumm og góðum verðmætum, þ.á m. ósnortinni náttúru.

Nú er það allt í einu orðin galin stefna einhverra "grænna fasista" að vernda loftslagið, náttúruna og lífríkið á jörðinni.

Fólk er farið að átta sig á að bruðl og sóun á verðmætum náttúrunnr sem viðgengst hefur undanfarna áratugi er helstefna sem gengur ekki lengur.

Það ber vott um  rökþrota málflutning þegar brúkuð eru stóryrði um þetta fólk og rætt er um það í tengslum við sjúka siðleysingja eins og Hitler og Breivik. 

[Benedikt Halldórsson, 29.9.2019 kl. 16:14]

Með lögum skal land byggja og ólögum eyða, í bland við aðgát og hæfilega íhaldssemi. 

En við byggjum ekkert á lygum og tökum Ara fróða okkur til fyrirmyndar. Okkur er skylt að hafa það heldur, er sannara reynist. 

[Hörður Þormar, 29.9.2019 kl. 17:33]

Benedikt Halldórsson. Tvær af þessum upphrópunum þínum eru svaraverðar.

Vegna brennslu á brennisteinsríkum kolum á síðustu öld olli súrt regn víða heilsubresti og tæringu á mannvirkjum, auk fiskadauða í vötnum. Þegar farið var að nota gas til upphitunar, í stað kola, og hreinsibúnaður var settur upp þar sem kolum var brennt þá hvarf þetta vandamál úr sögunni.

Það sama má segja um ósonhjúpinn. Efnum var hleypt út í andrúmsloftið sem ollu eyðingu ósons í efri loftlögum. Nú mun vera hætt að nota þessi efni, a.m.k. mikið dregið úr því. Mér skilst að götin á ósonhjúpnum hafi minnkað vegna þessara aðgerða

Best er að loftslagið sé stöðugt og líkast því sem nú er. Hætt er við að nú sé að verða breyting þar á. Til þess að koma í veg fyrir hana þarf aðgerðir, hvort þær duga er óvíst. En að loka augunum er að fljóta sofandi að feigðarósi.

[Jón Steinar Ragnarsson, 29.9.2019 kl. 18:13]

Hörður. Haltu aðskildu loftslaagshysteríunni með öllum sínum hjaralausa hræðsluároðri og svo almennri umhverfisvernd. Þar eru allir sammála um að banna hættuleg efni og hluti sem eyðast ekki í náttúrunni, eins og plast. Það að halda vatni og umhverfi hreinu er sjálfsagt mál og raunverulegt verkefni. Einnig sú viðleytni að draga úr mengun eins og sóti og eiturefnum í andrúmslofti, sem hefur bein áhrif á heilsu og lífslíkur fólks. Þetta hefur ekkert með þá móðursýki að gera að tölvuspáð hlýnun hækki sjávarborð um einhverja sentimetra á tveim öldum og þar með heimsendi.

Þessi einhverfa 17 ára stúlka er leiksoppur miklu stærri hagsmunaaðila og er að bergmála ósannaðan áróður sem hefur nú glumið í eyrum í áratugi og alltaf hærra þegar einhver ráðstefnan um loftslagsmál er í gangi. Samkvæmt Al gor fyrir um 12 árum þá á Flórida nú að hafa breyst í Feneyjar, Maldive eyjar sokknar og fólk í mitti í vatni á manhattan. Það lengist sífellt í byrjun hokkíkylfunnar frægu og ekkert bólar enn á henni, enda er hún smíði eins manns (Manning) sem neitar að gefa upp forsendurnar sem hann setti inn í spámódelið sitt. 

Hættum við að hleypa co2 út í loftið já og jafnvel anda út, þá minnkar utblásturinn um 0.4%. Rétt að senda okkur aftur í steinöld fyrir það. Ef ekki, þá setja alla á rafbíla án þess að láta það fylgja sögunni hvaðan rafmagnið á að koma. Ef þetta er ekki vitfirring, þá veit eg ekki hvað vitfirring er.

[Þorsteinn Siglaugsson, 1.10.2019 kl. 20:31]

Já, grænmetisætur eru fasistar og Thunberg næsti Hitler. Maður spyr bara hvað verður næst fyrir í þessu langvinna og sídýpkandi móðursýkiskasti bullutröllanna.