Trump, Rússar og herskáir frjálslyndir vinstrimenn

Vilji Trump var að friðsamleg samskipti yrðu á milli Bandaríkjanna og Rússlands. Vinstrimenn og frjálslyndir, bæði í Bandaríkjunum og Evrópu, mögnuðu upp Rússagrýlu um aldamótin til að knésetja Rússa og beygja undir vestrænt forræði.

Vestræn forræðishugsun tröllreið höfuðborgum Evrópu og Bandaríkjanna. Innrás í fullvalda ríki á fölskum forsendum var dagskipunin: Afganistan og Írak og ríkisstjórnaskipti í Líbýu, Sýrlandi og Úkraínu. 

Allt fór þetta brölt illa og afhjúpaði heimsvaldaglópsku frjálslyndra og vinstrimanna beggja vegna Atlantsála. 

Trump bauð vitleysunni birginn og vildi friðmælast við Rússa og hætta hernaðaríhlutun í fjarlægum heimshornum. Frjálslyndir og vinstrimenn tóku sig saman, í samvinnu við fjölmiðla, og gerðu Trump að leikbrúðu Pútín Rússlandsforseta. Klifað var á því að Trump hefði orðið forseti með hjálp Kremlarbónda. Allt reyndist það þvættingur, samanber niðurstöðu Muller-rannsóknarinnar.

Kemst á sæmilegur friður milli kjarnorkuveldanna Bandaríkjanna og Rússlands? Trauðla á meðan ítök herskárra frjálslyndra og vinstrimanna eru enn jafn mikil og raun ber vitni.

Styður endurkomu Rússa í G8

Athugasemdir

[Halldór Jónsson, 21.8.2019 kl. 08:41]

Nema hvað. Þessi orð eru sannleikurinn sjálfur . Kommeríið og Gulli utanríkis eru enn andsetin af Rússagrýlunni vegna þess að íbúar á Krímsskaga kusu að tilheyra Rússlandi en ekki Úkraínu sem Krúsjeff neyddi þá í. Álíka og ef Grænlendingar eru neyddir tilað vera undir Danmörku ef þeir vilja heldur verða fylki í Bandarikjunum þar sem þeir hefðu það árieðnalega betra en  hjá Dönum,