Loftslag og RÚV-móðursýki (sem aðrir elta)

Loftslag jarðarinnar breytist og hefur allaf gert. Löngu áður en maðurinn kom til sögunnar sem tegund, fyrir um 200 þúsund árum, var loftslagið breytingum undirorpið. Síðasta ísöld rann sitt skeið fyrir um 11-12 þús. árum þar sem stór hluti jarðarinnar var íshella.

Á sögulegum tíma höfum við rómverska hlýskeiðið frá 250 f. Kr. til 400 e. Kr., miðaldahlýskeiðið 900 - 1300 og litlu ísöld frá 1300 til 1900.

Núna stendur yfir hitabylgja í Evrópu og RÚV segir okkur í fréttum að hún sé af mannavöldum. Pistlahöfundur RÚV boðar heimsendi vegna manngerðs veðurfars. Aðrir, t.d. mbl.is, sigla í kjölfarið.

Judith Curry er viðurkenndur loftslagsvísindamaður. Hún tekur saman pistil um það hvernig mörg starfssystkina hennar missa dómgreindina vegna móðursýki um að jörðin sé að farast vegna manngerðra loftslagsbreytinga. Bara eitt dæmi: vísindamaður segir að hann eigi engin börn, aðeins hund, sem muni deyja innan tíu ára, og það sé gott mál. Því fljótlega eftir muni jörðin farast.

Heimsendaspádómar vegna manngerðs veðurs komu til sögunnar um það leyti sem vísindamenn komust yfir handhæg reiknilíkön. Í um 30 ár hafa hamfarasinnar dundað sér við að birta spádóma um hækkandi hitastig af mannavöldum. Loftslagsvísindamaðurinn John Christy tók helstu spárnar saman og komst að raun um að þær stóðust ekki, ýktu raunhita þrefalt.

Heimsendaspámenn manngerðs veðurs geta ekki svarað einföldustu spurningu um loftslag: hver er kjörhiti jarðar? En samt er ætlast til að fólk með óbrjálaða dómgreind trúi eins og nýju neti spám sem ítrekað reynast rangar.

Óttast áhrif hitabylgju á Grænlandsjökul

Athugasemdir

[Helga Kristjánsdóttir, 27.7.2019 kl. 15:38]

 Horfði ekki á fréttir en náði hér í viðtal við Brynjólf Þór sem allir geta séð.;
 Þar sem hitavaldurinn er mengandi eldsneyti eins og kol sem enn eru niðurgreidd vegna hagsmuna,telur formaður loftlagsráðsráðs mikilvægt að almenningur tali gegnum stjórnendur! Talið sjálfir við þá; almenningur mun héðan af tala með x-i
Við trúum á guð en grýlur ei!        

[Eggert Guðmundsson, 27.7.2019 kl. 17:52]

Skil ekkert í því að ekki skuli vera rætt um færslu á segulólum jarðar, og veðurfarslegar breytingar vegna þess.

NASA sér ástæðu til að nefna þetta sem mögulegan orsakavald veðurbreytinga.

[rhansen, 31.7.2019 kl. 22:19]

Gloparmnir forðast allt það vitræna til umræðu i sambandi við Loftslagsmál  

jar'ar og segulpoll eru i tilfærslu og eur lika i ójafnvægi sem ekki er nógu gott en það ma ekki ræða !!