Blaðamennskan í dag: aftaka á opinberum vettvangi

Þegar einhver fremur afbrot, kemst undir manna hendur og hlýtur refsingu er almennt litið svo á að viðkomandi eigi skilið annað tækifæri. Vitanlega með fyrirvörum; dæmdur barnaníðingur ætti ekki að fá vinnu á leikskóla.

En séu ekki þess brýnni ástæður til að vekja athygli á brotamönnum, sem hafa afplánað sinn dóm, ættu þeir að fá að vera í friði, fá annað tækifæri til að eiga líf réttu megin laganna.

Blaðamennska á seinni tíð er upptekin af refsigleði samfélagsmiðlanna. Blaðamenn harðneita að læra af Lúkasarmálinu og öðrum sambærilegum, t.d. pólsku drengjunum sem sakaðir voru um hópnauðgun og Hlíðarmálinu þar sem tveir ungir menn voru úthrópaðir nauðgarar.

Á miðöldum og í múslímaríkjum samtímans er opinber aftaka liður í að skemmta og kúga. Siðað fólk tekur ekki þátt í slíku. 

„Er mönnum alvara?“

Athugasemdir

[Þorsteinn Sch Thorsteinsson, 22.7.2019 kl. 21:36]

DV í dag stendur fyrir Daglegur Viðbjóður eða Dagleg Vitleysa.  

[Óskar, 23.7.2019 kl. 01:09]

þú segir: "En séu ekki þess brýnni ástæður til að vekja athygli á brotamönnum, sem hafa afplánað sinn dóm, ættu þeir að fá að vera í friði, fá annað tækifæri til að eiga líf réttu megin laganna."  

Hann hefur nefnilega ekki afplánað sinn dóm.