Ný sjálfstæðisbarátta: Mogginn og ASÍ í sama liði

Leiðari Morgunblaðsins leggur út af umsögn ASÍ um orkupakkann. Ásælni ESB annars vegar og hins vegar peningamanna í auðlindir þjóðarinnar breyta víglínum stjórnmálanna.

Gegnheill sjálfstæðismaður eins og Gunnar Rögnvaldsson er ekkert að skafa af hlutunum: vald er sótt til útlanda til einkavæða auðlindir almennings.

Fréttablaðið, trútt uppruna sínum sem málgagn auðmanna, skrifar hvern leiðarann á fætur öðrum til stuðnings orkupakkanum.

Sál Sjálfstæðisflokksins er í húfi. Er móðurflokkur íslenskra stjórnmála genginn fyrir björg auðmanna og erlendra hagsmuna eða er hann enn þjóðarflokkur?

Á meðan mest mæðir á ráðherrum og þingliði Sjálfstæðisflokksins eru aðrir flokkar stikkfrí. En aðeins á yfirborðinu. Orkupakkamálið er orðið það stórt að sitthvað mun undan láta áður en yfir lýkur.

Þriðji orkupakkinn „feigðarflan“

Athugasemdir

[Predikarinn - Cacoethes scribendi , 1.5.2019 kl. 10:46]

Góður pistill að vanda kæri Páll. Rétt mælir þú um hinn gagnorða og réttsýna Gunnar.

[Einar Sveinn Hálfdánarson, 1.5.2019 kl. 12:00]

Páll, ég bara man ekkert eftir þér í Sjálfstæðisflokknum og þykist hafa sæmilegt minni. Geturðu ekki rifjað störf þín innan raða flokksins mér til glöggvunar?

[Júlíus Valsson, 1.5.2019 kl. 13:51]

Helsta vopn Fréttablaðsins gegn samtökunum Orkan okkar eru uppnefningar. Fremur klént finnst mér. Minnir á skólaportið, engin rök, bara gamaldags einelti.