Stétt með stétt, Sólveig Anna

Ísland er stéttlaust samfélag. Börn þeirra tekjulægstu eiga sömu tækifæri og afkvæmi tekjuhárra að gera það úr lífi sínu sem hugurinn stendur til. Allir njóta sama menntakerfis og heilbrigðisþjónustu.

Bæði lágtekjufólk og hátekjumenn geta klúðrað lífi sínu, líkt og sumir kjósa. Og kenna auðvitað öllum öðrum um en sjálfum sér; fjölskyldunni eða ríkinu. 

Þegar Sólveig Anna Eflingarformaður talar um sósíalisma og stéttabaráttu er hún út í móa með Gunnari Smára að fabúlera um hluti sem hvorugt veit neitt um. Fyrir skemmstu vildi Gunnar Smári að Íslandi yrði fylki í Noregi. Þar á undan var hann í þjónustu auðmanna, sem hann formælir núna.

Sólveig Anna ætti að skola af sér smáríska ruglið og horfa á hlutina eins og þeir eru.

 

Upphaf nýrrar bylgju stéttabaráttu

Athugasemdir

[Benedikt Halldórsson, 3.4.2019 kl. 13:27]

Róttæki sumarháskólinn í Eflingu notar aðferðir brellusölumanna sem fá þrjú já til að loka sölunni. Marxistarnir í Eflingu spurðu. Villtu hærri laun? Finnst þér ekki lægstu laun alltof lág? Villtu borga lægri leigu? Við í verkfall. 

Það endist engin lengi í brellubragðasölumennsku.

Verðbólgan át "ávinninginn" af launahækkunum áður en sigurvíman rann af eitilhörðum verkalýðsleiðtogum sem gáfu aldrei neitt eftir. Fyrir þrjátíu árum lak "róttækninn" loksins af mönnum, því hún skilaði bara alls engu. Gerðir voru svokallaðir þjóðarsáttasamningar við auðvaldið og allir stórgræddu.

En auðvitað vilja trúaðir marxistar ekki trúa því, ekkert frekar en sögur af hörmungum sem marxisma er kennt um. Vinstri elítan er enn í afneitun en getur huggað sig við að menningin er svo í anda Marx og afleggjara hans. "Róttækir" græða á daginn en fara í leikhús til að sjá kapítalismann grillaðan á kvöldin. 

En þá er spurningin. Var gerð þjóðarsátt núna? Hvernig kemur það heim og saman við stóru orðin um byltingu og öll gömlu slagorð löngu dauðra komma?

Þáttur marxistanna í Eflingu á youtube heitir Fallöxin sem er víst afar beitt vopn. 

Sá sem getur á annað borð réttlætt Marxisma eftir það sem á undan er gengið verður ekki í vandræðum með að lýsa yfir sigri Marxismans eins og farsæll skottulæknir.