Þingeyingar bandingjar 101-sósíalista

Hvernig í veröldinni dettur Framsýn, stéttafélagi Þingeyinga, í hug að semja um kaup og kjör í Reykjavík fyrir Húsavík og nærsveitir?

Geta Þingeyingar ekki lesið ársreikninga fyrirtækja? Kunna þeir ekki prósentureikning? 

Er það svo að í Reykjavík vita menn betur en heimamenn hvort þingeysk fyrirtæki séu aflögufær? Vita kaffihúsaspekingar í 101 betur en Þingeyingar hver framfærslukostnaðurinn er á Norð-Austurlandi?

Hvernig stendur á því dómsdagsrugli að skrifstofublækur í Reykjavík semji um kaup og kjör Þingeyinga?

Einu sinni var metnaður í Þingeyjarsýslum. Þar stofnuðu menn fyrsta kaupfélag landsins en biðu ekki eftir vinki frá höfuðborgarskrílnum.

En nú stendur sem sagt til að sósíalistar í borg óttans taki öll ráð Þingeyinga í sínar hendur. 

Þingeyingurinn Jónas frá Hriflu hlýtur að snúa sér við í gröfinni og ranghvolfa augunum yfir aumingjahætti sveitunganna.

 

Framsýn afturkallar samningsumboð SGS

Athugasemdir

[Halldór Jónsson, 20.3.2019 kl. 14:17]

Jahá

[Jóhannes Laxdal Baldvinsson, 20.3.2019 kl. 23:59]

Jahá,  kannski er skýringin einfaldlega sú að viðsemjendur þeirra hafa gefið SA umboð til að semja!!!  Og SA er í Borgartúni 35 105 Reykjavík. (ekki 101, sem er alræmt skammaryrði)

Að tala um kaupfélögin og Jónas frá Hriflu eins og það skilgreini hverjir Þingeyingar eru, frábið ég mér. Ég er víst með þetta þingeyzka gen úr báðum ættum langt fram.  Samt var mín ætt aldrei Framsóknarfólk.  Og erum stolt af.

[Helga Kristjánsdóttir, 22.3.2019 kl. 18:57]

Flosi Ólafsson sat í Willis jeppa í ystukinn minnir mig og orti þessa:                                                                                                 Hér er alveg unaðslegt á allar lundir,
       sveinar elska hringa hrundir
       hér var það swm SÍS kom undir.

[Helga Kristjánsdóttir, 22.3.2019 kl. 19:01]

afsakið fljótfærnina en varð bara af gefnu tilefni!!   sem,ekki swm--