Óreiðan, Katrín og félagsauður

Forsætisráðherra vaknar upp við Trump-fréttir RÚV á hverjum morgni og kennir við upplýsingaóreiðu. Hún vitnar í kanadíska fræðimanninn Marshall McLuhan en hann er höfundur kenningarinnar að miðillinn sé boðskapurinn. Tæknin, sem sagt, mótar innihaldið. Ergó falsfréttir á netmiðlum.

McLuhan setti kenninguna fram þegar sjónvarp var allsráðandi. Netmiðlar eru ráðandi afl í opinberri umræðu síðustu ára. Þar er Trump meistarinn. Jafnvel á Íslandi var hægt að spá sigri Trump nokkrum mánuðum áður en Bandaríkjamenn gengu að kjörborðinu haustið 2016.

Netmiðlar valda upplýsingaóreiðu vegna þess að stórkostlegar ýkjur og beinar lygar fá meiri og hraðari útbreiðslu en yfirvegaðar, hlutlægar og málefnalegar fréttir.

Gegn óreiðunni teflir Katrín fram félagsauði. ,,Ég vil tala upp stjórnmálaflokka," segir hún í RÚV-viðtalinu.

Í stjórnmálaflokkum með fortíð verður til menning um hvernig hlutirnir skulu gerðir. Eldri flokkar eru ólíklegri en ný-flokkar til að láta pólitískar tískusveiflur umpóla sig á örskoti. 

Spaka-Kata veit sínu viti.

 

 

Athugasemdir

[Jón Þórhallsson, 3.11.2018 kl. 12:13]

Finnst þér hún kata vera að koma á meira jafnvægi í samfélaginu

á sama tíma og hún blæs til sóknar með gaypride-göngufólki.

gay-pride-göngu-lífstíllinn er líklegur til að auka líkur á alnæmi

sem að gæti síðan leitt til aukins kostnaðar hjá LANDLÆKNIS-EMBÆTTINU

sem að gæti síðan aukið SKTATTBYRÐI fátæks fólks: 

https://www.mbl.is/frettir/innlent/2018/04/06/styrkja_samtokin_78_um_3_5_milljonir/