Mér finnst... og sannleikur

Samsvörunarkenningin um sannleikann hljómar svona: staðhæfing a er þá og því aðeins sönn að a er. Bókstafurinn a er fullyrðing, t.d. ,,jörðin er hnöttótt" eða ,,það rignir". Samsvörunarkenningin er ekki fullkomin en hún er það skásta sem við höfum til að meta sannleiksgildi staðhæfinga.

Setninguna ,,mér finnst þú koma illa fram við mig" er ekki hægt að mæla við sannleikann. Setningin lýsir huglægu ástandi sem kemur sannleikanum ekkert við.

Ef einhver segir um einhvern annan: ,,þessi reyndi að nauðga mér fyrir 37 árum" þá er setningin þá og því aðeins sönn að tilraun til nauðgunar hafi verið reynd. 

Tilraun til nauðgunar þarf tvo þætti. Í fyrsta lagi verknað, t.d. nauðgar enginn með augnaráði, og í öðru lagi ásetning sem ávallt er huglægur en birtist í hlutlægum athöfnum.

Ef það er gefið að tveir einstaklingar segja gagnólíka sögu um tiltekin og afmörkuð samskipti sin á milli, annar að nauðgunartilraun hafi verið gerð en hinn neitar, og jafnframt sagt að báðar frásagnir séu heiðarlegar þá hefur heiðarleiki ekkert með sannleika að gera.

Mér finnst... ræður ferðinni í menningu okkar á meðan sannleikurinn er í aukahlutverki. 

Mögulega heiðarleg frásögn beggja

Athugasemdir

[Halldór Jónsson, 29.9.2018 kl. 17:37]

Ford er eldri en Kavanugh og var ekki með honum í skóla.2 menn hafa gefið sig fram og játað að hafa hnoðast á henni eða er ekki svo?

[Halldór Jónsson, 29.9.2018 kl. 17:37]

 Nefndin ætlar að mæla með kallinum er það ékki?

[Ragnhildur Kolka, 29.9.2018 kl. 19:22]

Við stöndum nú upp að hnjám í réttarfarsglæp. Fimm einstaklingar hafa verið  úrskurðaðir ekki sekir um mannsmorð fyrir meira en 40 árum. Mannsmorð sem enginn veit hvort átti sér stað, því engin lík hafa fundist. Í þessu máli var ekki bara réttarkerfið sem brást, við sem munum þann tíma munum líka hver krafa almennings var - finna glæpamennina og refsa þeim. Ekki ósvipað og krafan var eftir hrunið. Í fyrra tilvikinu spilaði pólitík ekki stóra rullu; fólk var hrætt, fjölmiðlar ólu á óttanum og samfélagið logaði.

Kavanaugh málið er púra pólitík. Demókratar óttast að missa tak á Hæstarétti sem þeir hafa haft síðan 1930. Þeir eru tilbúnir að gera hvað sem er og lýstu því strax yfir. Þrjár konur (fjórar) hafa ásakað hann um kynferðislegt áreiti á unglingsárum. Sú fyrsta er 2 árum yngri og lýsir afar gloppóttri atburðarás, #2 lýsir drykkju partýi þar sem Kava á að hafa berað sig framan í hana en er ekki  alveg viss um að það hafi verið Kava. Sú 3ja lýsir hópnauðgunarpartýum sem hún  átti vanda til að sækja. Engin vitni eru leidd fram sem stutt geta við ásakanirnar, þau vitni sem tilgreind eru hafa öll neitað því að kannast við atburðarás sem konurnar lýsa. Menn eru nú á sama stað og dómskerfið á Íslandi stóð gagnvart G&G málinu á sínum tíma. Engar sannanir. Mun réttlætið falla demókrata eða repúblikana megin? Það er hrollvekjandi tilhugsun að lífsferill manns og fjölskyldu hans sé lagður í rúst fyrir pólitískan sigur.

Ekki ætla ég að fullyrða neitt um sekt eða sakleysi enda veit ég ekkert um skólapartý bandarískra unglinga á þessum árum. En hafi Kavanaugh gert sig sekan um kvennakáf á unglings árum má gera ráð fyrir að aðrir háttvirtir dómarar þurfi að líta í eigin barm. Það er þó eins með þetta mál og önnur að hver maður sem ásakaður er fyrir refsivert athæfi á rétt á réttlátri málsmeðferð. 

[Kolbrún Hilmars, 29.9.2018 kl. 21:42]

Lagði á mig að hlusta á myndbandið með vitnisburði Ford fyrir nefndinni.  Hún bar við gleymsku í sumum tilvikum, jafnvel árinu sem þetta átti að hafa gerst en hún afsakaði sig með því að hún hafi aðeins verið "fifteen"!
Nefndi sérstaklega að hún var ekki komin með bílpróf. Þá hefur þessi Kavanaugh verið "thirteen" því hann er 2 árum yngri en hún.  Bullshit!

[Ragnhildur Kolka, 30.9.2018 kl. 01:03]

Kavanaugh er tveimur árum eldri en Ford. Það er 3ja konan sem er 2 árum eldri en hann. Sú sem mætti glaðbeitt í 10 gang-rape partý og kærði það ekki.

saga Ford er öll götótt en sálfræðingar segja ekkert athugavert við það eftir trámatíska upplifun. En að koma fram og fá áheyrn án nokkura sönnunargagn má skrifa á reikning #metoo. Nú eru konur boðberar sannleikans eða eins og senatorinn frá Hawai sagði “ karlar eiga að halda kj.... og hisja upp um sig.”

[Kolbrún Hilmars, 30.9.2018 kl. 12:15]

Eitthvað misvísandi fréttaflutningur þarna. Stundum er Ford 2 árum eldri (2 árum á undan í skóla) eða 2 árum yngri.  Aldursmunurinn var ekki ræddur í þessari yfirheyrslu.

[Ragnhildur Kolka, 30.9.2018 kl. 14:02]

Það var óþarfi að ræða aldur þeirra því fæðingarvottorð liggja fyrir. Þessi ruglingur með aldur kom upp þegar ákærandinn #3 kom inn í myndina, því menn áttuðu sig ekki á hvers vegna hún var að sækja í rape-partý með strákum sér yngri. Swetnick er 55 ára, Kavanaugh 53, Ford 51 og lífstíðar vinkona, sem man ekki neitt er 49. Hún var sem sagt aðeins 13 ára þegar atburðurinn átti að hafa átt sér stað.

Rruglingur með aldur er, að ég held, sér íslenskur.