Díselbílar drápu ekki risaeðlurnar, Katrín

Jörðin er um 4,5 milljarða ára. Á þeim tíma veltur á ýmsu með loftslagið. Einu sinni voru pólarnir skógi vaxnir. Maðurinn kom hvergi nærri. Við erum aðeins 200 þúsund ára tegund. Vísindi sem kennd eru við Darwin segja okkur að tegundir verða til og tortímast yfir laaaaangan tíma. Án loftslagsbreytinga hefði maðurinn sennilega ekki komið fram.

Í tísku eru hjávísindi, kennd við loftslagsvá, sem tröllríða húsum, einkum vinstrimanna og frjálslyndra. Í þeim kreðsum er yfirgengileg löngun í alþjóðalegt yfirvald sem á að kenna okkur að lifa á jörðinni. Einu sinni var það marxismi, síðan kapítalísk alþjóðahyggja og núna dauðaangist vegna veðurfars er réttlætir yfirþjóðlega valdbeitingu.

Heimsendaspámenn úr röðum vísindamanna eru fyrst og fremst tölvunördar sem búa til stærðfræðilíkön, hlaða inn í þau forsendum og fá út endalok mannkyns. Maður þar ekki að kunna mikið í excel til að vita að rusl inn þýðir sjálfkrafa rusl út.

Heimsendaspámenn kunna ekki svarið við einföldustu spurningum um loftslag. Til dæmis: hver er ákjósanlegur lofthiti á jörðinni? Er það meðalhitinn sem var á rómverska hlýskeiðinu, eða miðaldahlýskeiðinu 900 til 1300 eða á litlu ísöld 1300 til 1900?

Nóbelsverðlaunahafinn Kary Mullis gæti verið kjósandi Vinstri grænna. Hann ræðir í 14 mínútur um hjávísindi loftslagssinna og afgreiðir svona: þetta er lélegur brandari.

 

Víðtækar breytingar í loftslagsmálum

Athugasemdir

[Þorsteinn Siglaugsson, 9.9.2018 kl. 20:18]

Já, vísindamenn eru auðvitað bara tölvunördar og asnar. Afskrifum þá bara!

[Hörður Þormar, 9.9.2018 kl. 21:27]

Nóbelsverðlaunahafinn, Kary Mullis, er lífefnafræðingur og hlýtur að vera fram úr skarandi í fræðigrein sinni.

Einnig mun hann þekkja vel til áhrifa amphetamins og LSD á heilabúið, en því efni þakkar hann, að eigin sögn, uppgötvunina sem leiddi til þess að hann fékk Nóbelinn.

En þar með er ekki hægt að slá því föstu að hann sé algjör "Besserwisser" í loftslagsvísindum.  Kary Mullis - Wikipedia

[Páll Vilhjálmsson, 9.9.2018 kl. 21:44]

Gat verið. Ég reiknaði Mullins sem líklegan Vg-kjósanda, gamall karl á hjóli. Kemur á daginn að hann er sennilega samfóisti á sterkum efnum.

Allavega. Gamlingjar, sterk efni eða ekki, eru ekki líklegir til að selja sig styrkjum og tísku í loftslagsvísindum, sbr.

https://pallvil.blog.is/blog/pall_vilhjalmsson/entry/2198474/

[Hörður Þormar, 9.9.2018 kl. 23:30]

Samkv. greininni í Víkípedíu þá væri Kary Mullis trúandi til alls.

Helst myndi ég þó trúa að hann sé einlægur aðdáandi Dónalds Trumps, gæti jafnvel verið ráðgjafi hans.

Hann aðhyllist nefnilega stjörnuspeki.

[Mofi, 10.9.2018 kl. 07:41]

Nei Þorsteinn, vísindamenn eru ekki sammála um að loftslagshlýnun sé eitthvað sér fyrirbrigði sem mannkynið er að valda. Alveg stór furðulegt og hreinlega óheiðarleg heimska að láta alltaf sem svo að vísindamenn séu eihver einsleitur hópur manna sem eru allir sammála. 

Nokkur stutt myndbönd sem fjalla um þetta

https://www.youtube.com/watch?v=OwqIy8Ikv-c

https://www.youtube.com/watch?v=RkdbSxyXftc

[Þorsteinn Siglaugsson, 10.9.2018 kl. 11:38]

Það verða aldrei allir sammála um allt. Samt er það svo að mjög stór meirihluti þeirra sem rannsaka þessi mál eru sammála um að hlýnunin sé af manna völdum. Hinir eru í miklum minnihluta. Það er einfaldlega bara þannig. Alveg sama hvað þú deilir mörgum myndböndum!

Það merkir vitanlega ekki að það sé öruggt að svo sé, þeir gætu haft rangt fyrir sér. Ég ætla ekki að dæma um það.

Það er hins vegar ekki þetta sem ég er að gera athugasemd við hér að ofan, heldur það viðhorf að vísindamenn séu bara upp til hópa einhverjir bjánar og ekkert mark á þeim takandi, þ.e. ef niðurstöðurnar ríma ekki við það sem maður hefur sjálfur bitið í sig. 

[Mofi, 10.9.2018 kl. 15:09]

Hvaða heimildir hefur þú fyrir því að mjög stór meirihluti þeirra sem rannsaka þetta hafi þessa skoðun? 

Að minnsta kosti reyndu að hætta að tala eins og allir vísindamenn hafi ákveðna skoðun, að gera slíkt er að beita blekkingum.

[Þorsteinn Siglaugsson, 10.9.2018 kl. 16:10]

Það hefur enginn talað hér eins og allir vísindamenn séu á sömu skoðun. Það sem ég sagði var eftirfarandi: "Það verða aldrei allir sammála um allt. Samt er það svo að mjög stór meirihluti þeirra sem rannsaka þessi mál eru sammála um að hlýnunin sé af manna völdum." Hvernig þú færð út að þetta merki að allir vísindamenn séu sammála skil ég ekki, enda tek ég skýrt fram að þeir séu það ekki allir! 

Þú sérð upplýsingar um afstöðu vísindamanna t.d. hér, hjá NASA: https://climate.nasa.gov/scientific-consensus/

En vitanlega er NASA hluti af samsærinu, ekki satt?

[Mofi, 10.9.2018 kl. 18:33]

Þorsteinn, ég var að vísa til þess sem þú sagðir: "Já, vísindamenn eru auðvitað bara tölvunördar og asnar. Afskrifum þá bara". 

Þessi grein segir þetta: "Multiple studies published in peer-reviewed scientific journals1 show that 97 percent or more of actively publishing climate scientists agree*".

Þetta eru þessi 97% sem er búið að hrekja marg oft. Það var t.d. gert af vísindamanninum í myndbandinu sem ég deildi hérna. Hann er ekki einhver vitleysingum heldur fræðimaður í þessari grein sem kenndi við MIT í hátt í þrjátíu ár. Það er ekki erfitt að komast að því að það er ekkert að marka NASA. Mér finnst það að minnsta kosti nokkuð augljóst að það er maðkur í mysunni hjá þeim.

[Þorsteinn Siglaugsson, 10.9.2018 kl. 19:14]

Setningin sem þú vísar til segir nákvæmlega ekkert um að allir vísindamenn séu sammála í loftslagsmálum. Hún vísar til þeirra orða síðuhafa að ekkert sé að marka þá vísindamenn sem telja loftslagsbreytingar vera af manna völdum.

Það er ágætis regla að reyna skilja það sem maður les. Þá kemst maður frekar hjá því að gera fólki upp skoðanir sem það hefur ekki.

Hvort þessi maður sem þú vísar til hefur gert einhverja úttekt á gögnunum sem niðurstöður NASA grundvallast á veit ég ekki. Það kemur í það minnsta hvergi fram.