Jemen: drepum karlana, frelsum konurnar

Flaggskip frjálslyndra fjölmiðla í Bandaríkjunum, Washington Post, birti fyrirsögnina: Óvæntur árangur í Jemen; fleiri karlar elda og þrífa.

Í greininni er m.a. haft eftir jemenskri konu að stríðið hafi breytt persónuleika hennar, núna finnst henni að hún sé jafnoki karla. Jafnréttið fékkst með því að körlum fækkar vegna manndrápa annars vegar og hins vegar eru vinnustaðir þeirra sprengdir í loft upp. Karlkvikindin sitja heima, elda, þrífa og gæta barna. Sæluríki femínísks frjálslyndis er komið í höfn.

Greinin er skrifuð fyrir tveim árum, áður en Trump tók við embætti forseta. Stríðið í Jemen, líkt og stríðið í Írak og Sýrlandi er hugarfóstur frjálslyndra stjórnmálamanna, Bush, Clinton, Blair og Obama. 

Stríðsrekstur vestrænna ríkja, já, Nató var með, í miðausturlöndum var skipulagður í beinu framhaldi loka kalda stríðsins. Vestrænt frjálslyndi var sniðmátið. Smávegis manndráp fórnarkostnaðurinn.

Miðausturlönd eru ófriðarbál vegna þess að vestrænt frjálslyndi er álíka léleg útflutningsvara í miðausturlöndum og sovéskur kommúnismi var í Vestur-Evrópu.

Fengu sprengjuna frá Bandaríkjunum

Athugasemdir

[Kolbrún Hilmars, 18.8.2018 kl. 17:28]

Einkennileg frétt. "Fleiri karlar elda og þrífa"!  Þetta fyrirkomulag hefur nú gengið skrykkjótt í vestrænum "jafnréttis" þjóðfélögum þar sem enginn hefðbundinn stríðsrekstur viðgengst.  Skyldi þetta vera aðferðin; að efna til stríðsátaka til þess að senda karlana í eldhúsin? 
Ekki það að þar eru þeir svosem betur komnir en á vígvellinum...