Kvíði á tímum Trump - tvær kerfisbreytingar

Kvíði sem slær út í þunglyndi er vexandi, ekki síst meðal ungu kynslóðarinnar. Sjálfshjálparbækur við kvíða renna út eins og heitar lummur og lyfjafyrirtæki gera það gott í þunglyndislyfjum.

Freistandi er að kenna Trump Bandaríkjaforseta um sálræna kvilla samtímans. Hann er jú vargur í véum lýðgeðheilsu almennings. En, nei, segir dálkahöfundur Guardian, kvíðabylgjan tók að rísa áður en glókollur settist í Hvíta húsið.

Dálkahöfundurinn, Arwa Mahdawi, er ungur að árum. Og kannski þess vegna dettur honum ekkert frjórra í hug en að ójöfnuður, húsnæðiskostnaður og áhyggjur af afkomu séu helstu ástæður vaxandi kvíða.

En þessar ástæður hrökkva ekki til. Meiri ójöfnuður, hærri húsnæðkostnaður og þyngri efnahagur var seinni hluta síðustu aldar án þess að samfélagsleg kvíðaköst gerðu vart við sig.

Ef það er rétt að kvíði sé vaxandi eru ástæðurnar dýpri. Tvær kerfisbreytingar standa yfir þessi árin, önnur tæknileg en hin pólitísk. Þá fyrri má kenna við umbyltingu boðskipta, sem birtist skýrast í samfélagsmiðlum. Boðskiptabyltingin hefur áhrif á sjálfsmynd einstaklinga sem fá áður óþekkta innsýn í einkalífi annarra - eins og það birtist á Facebook og álíka miðlum. Tæknibyltingin býr einnig til aragrúa hópa, og um leið hópsálir, sem boðskiptakerfi fyrri tíðar, sjónvarp, útvarp og dagblöð, gátu ekki sett saman nema þá groddaralega þar sem ein hugmynd var allsráðandi, t.d. fasismi eða kommúnismi.

Seinni kerfisbyltingin, sú pólitíska, er að frjálslynd alþjóðahyggja, sem var ráðandi stjórnmálamenning á vesturlöndum frá lokum seinna stríðs, er að hruni komin. Frjálslynda alþjóðahyggjan boðaði að yfirþjóðlegt vald, Evrópusambandið, Alþjóðabankinn, Sameinuðu þjóðirnar o.s. frv., myndi skipa málum þannig að allir yrðu sáttir (ok, ekki allir en flestir). Það gekk ekki eftir.

Enginn veit hvaða áhrif boðskiptabyltingin mun hafa til lengri tíma. Enn síður er vitað hvaða fyrirkomulag leysir af hólmi frjálslynda alþjóðahyggju.

Maður gæti fengið kvíðakast af minna tilefni. 

Athugasemdir

[Valdimar Samúelsson, 9.8.2018 kl. 14:34]

Ég held að fari þjóðin og þjóðir út í sjálfsþurftar búskap þá munu allir hafa einhvað fyrir stafni.Fólk verður að fá að spreyta sig með einhverjum viðfangsefni. Sé það landbúnaður eða ræktun í smáum stíl en allt myndi hjálpa. Setja eitt fræ niður og fylgjast með því daglega hefir mikla þýðingu fyrir sálina.Mörg fræ er enn betra.

[Jónas Gunnlaugsson, 9.8.2018 kl. 15:09]

Við höfum að einhverju leiti tekið af fólkinu, fjölvíddina, og troðið þjóðunum í þrívíða heimsmynd og tíma.

Allir sem kryfja málefnið, komast að því að þetta er ósönn heimsmynd.

Sálirnar eru í skóla, hér í sýndarveröldinni. og eiga að hafa tengsl til allra góðra vídda. 

Sjáendurnir, sem hafa stanslaust verið að kenna okkur, eru þeir einu, sem geta leitt okkur af villu brautinni, röngu hugmynda kennslunni. 

Tökum fjölmiðlana, úr höndum bakstjórnarinnar strax.

Þar kennum við menntaðir í þröngsýni, um að Alheimurinn sé þessi þrívíði tíma efnisheimur, sýndarveruleika heimur, sem fullnægir engan vegin þörfum fólksins.

Kennum okkur sjálfum og öllu unga fólkinu um gömlu göturnar, um Jesú og Nikola Tesla sem voru með réttu heimsmyndina, sem þroskar og fullnægir menntunar þörf og skilningi fólksins.

Jesú sagði,  ... sannleikurinn mun gjöra yður frjálsa."

slóð

  Nikola Tesla var einn af þeim, sem fluttu þjóðunum blessun og leystu fólkið úr ánauð þekkingarleysisins? Þekkingin skapar allsnæktir. Nústaðreyndatrúin stóð á móti Jesú og Nikola Tesla. Við skulum færa Jesú og Tesla aftur inn í skólanna.  20.12.2017 | 18:24 Viðtal við Nikola Tesla 1899

framhald

Tókum af fólkinu, fjölvíddina, og tróðum því í þrívíða heimsmynd og tíma. Kennum okkur sjálfum og öllu unga fólkinu um gömlu göturnar, um Jesú og Nikola Tesla sem voru með réttu heimsmyndina, sem þroskar og fullnægir menntunar þörf og skilningi fólksins.

9.8.2018 | 14:59

Egilsstaðir, 08.09.2018  Jónas Gunnlaugsson