Ríkisstjórnin styrkist, einkum Vinstri grænir

Mest mæddi á ráðherrum Vinstri grænna í ljósmæðradeilunni. Þær Katrín Jakobsdóttir og Svandís Svavarsdóttir stóðu af sér almannatengslahrekki ljósmæðra og fjölmiðlatið, sem gekk út á að hér væri langsoltin kvennastétt að biðja um ,,launaleiðréttingu."

Yfirvegun og staðfesta Katrínar og Svandísar sýnir að Vinstri grænir eru ljósárum á undan samkeppnisflokknum, Samfylkingunni, í félagslegum og pólitískum þroska. Í Samfylkingunni kýla menn vömbina og dilla afturendanum í þykjustumótmælum á meðan ráðherrar Vinstri grænna standa vaktina á þjóðarskútunni.

Bjarni Benediktsson fjármálaráðherra staðfesti sig sem mann stöðugleika og málefnalegrar yfirvegunar.

Ríkisstjórnin í heild fékk stóraukna pólitíska þyngd í ljósmæðradeilunni. Í hönd fer vetur kjaradeilna sem mun reyna á þrótt og þrek ríkisstjórnarflokkanna. Þeir eru góðu heilli vel nestaðir í þann leiðangur.

Verðandi mæður geti andað léttar

Athugasemdir

[Gunnar Heiðarsson, 22.7.2018 kl. 06:17]

Kjaradeila ljósmæðra er einungis sýnishorn af því sem kemur næsta vetur, ef stjórnvöld girða sig ekki í brók og afnema þær hækkanir sem kjararáð hefur úrskurðað síðustu misseri. Verði þær látnar standa mun myndast mikil harka í komandi kjaraviðræðum. Niðurstaða ljósmæðradeilunnar skiptir þar engu máli.

Þeir sem ekki átta sig á þessu hafa einstaklega litla innsýn í kjaramál og kjaradeilur.

[Guðmundur Böðvarsson, 22.7.2018 kl. 09:25]

Felldu þær ekki svipaðan samning?

[Jón Ingi Cæsarsson, 22.7.2018 kl. 09:50]

Þvílíkur óskhyggjupistill. Ættir að fara og láta skoða pólitísku gleraugun þín, það er eitthvað skakkt sem þar birtist.

https://www.mbl.is/frettir/innlent/2018/07/22/hildur_haett_i_vg/

[Ragnhildur Kolka, 22.7.2018 kl. 09:50]

Það styrkti stöðu ríkisstjórnarinnar að forsætis og heilbrigðis ráðherrar eru konur. Það er ekki hægt að væna þær um þekkingarleysi á þjónustunni og þar með gera þær að illmennum. Bjarni fékk að finna fyrir þeirri gagnrýni.