Ljósmæður með 850 þús. á mánuði

Meðalheildarlaun ljósmæðra í fyrra voru 848 þús. kr. á mánuði. Á þessum launum eru ljósmæður að ,,bugast" og sjá fram á örbirgð. Ef ríkið sprengir ekki launastefnu allra ríkisstarfsmanna í loft upp með sérsamningum við ljósmæður hóta þær lífi sængurkvenna og ófæddra Íslendinga.

Það er einföld leið fyrir ríkið að kenna óbilgjarnri sérfræðistétt lexíu. Með lögum ætti að afnema starfsstétt ljósmæðra. Í stað þeirra komi hjúkrunarfræðingar með sérhæfingu. Í reynd væri aðeins verið að færa lögin nær veruleikanum - í dag eru ljósmæður hjúkrunarfræðingar með viðbót.

Lög sem fækkuðu kröfuhörðustu starfsstéttum ríkisins um eina væru góð lög, til bóta fyrir heilsufar þjóðarinnar og bættu efnahagslegan stöðugleika. Sem sagt; bráðabirgðalög á ljósmæður sem gera þær að hjúkrunarfræðingum.  

Grunnlaunin hækki mikið

Athugasemdir

[Birgir Örn Guðjónsson, 3.7.2018 kl. 09:33]

Flestar ljósmæður vilja vinna 75 % start en hafa 100 % laun.

Það er víst ein átsæðan sem þær vilja svo mikla grunnlaunsjhækkun.

[Ragnhildur Kolka, 3.7.2018 kl. 10:39]

Það er ekki eins og ljósmæður hafi ekkert val - þær geta jú alltaf orðið flugfreyjur.

[Gunnar Rögnvaldsson, 3.7.2018 kl. 16:27]

Karlar ættu að taka þetta fag að sér. Þeir kvarta minna. Geta lyft meiru og vakað lengur.

[Helga Kristjánsdóttir, 4.7.2018 kl. 02:58]

Karlar tóku alla vega á móti sínum eigin börnum hér áður fyrr.Þannig var það í hinum afskekktari sveitum t.d. Svalvogum í Dýrafirði þar sem húsbóndinn tók á móti mörgum barna sinna,minnir þau hafi verið alls 14.