Barnavernd og kosningaréttur

Ekki eru nema rúm 20 ár síðan sjálfræðisaldur var hækkaður úr 16 árum í 18. Breytingin kom í kjölfar þjóðfélagsþróunar þar sem ungmenni dvöldust lengur í foreldrahúsum. Ýmsar reglur, t.d. aðgengi að tóbaki og áfengi, ganga í sömu átt á seinni árum.

Tillaga um að lækka kosningaaldur úr 18 árum í 16 gengur þvert á ríkjandi barnaverndarhugsun síðustu áratuga. Lækkun kosningaaldurs myndi í senn valdefla 16 til 18 ára ungmenn en jafnframt gera aldurshópinn 14 til 16 ára að skotmarki stjórnmálaafla. 

Pólitískum skilaboðum yrði beint að börnum frá fermingaraldri. Í ljósi þess hve beinskeytt pólitísk skilaboð eru orðin, með netvæddum samfélagsmiðlum, er vafasamt, svo ekki sé meira sagt, að færa kosningaaldur niður í 16 ár.

Kosningalög óbreytt um sinn

Athugasemdir

[Jón Þórhallsson, 24.3.2018 kl. 10:22]

"Ekki eru nema rúm 20 ár síðan sjálfræðisaldur var hækkaður úr 16 árum í 18". 

------------------------------------------------------------------------------------

Verða unglingar ekki sjálfráða 16 ára í dag?

En fjárráða 18 ára?

[Jón Steinar Ragnarsson, 24.3.2018 kl. 12:28]

Jón Þórhallson, gúgglaðu nú fyrst þú ert við tölvuna. Sjálfræðis og fjárræðisaldur er sá sami hér þ.e. 18 ár. Fjárræðisaldur var alltaf 18 ár en svo var sjálfræðisaldurinn hækkaður líka upp í 18 ár, eins og Páll segir. Hvernig er hægt að miskilja þetta svona meistaralega?

[Jón Þórhallsson, 24.3.2018 kl. 13:03]

Ég hef greinilega ekki fylgst nógu vel með þessum málum.

Ég man að ég  fékk að fara á sveitaböll 16 ára.

Það er þá væntanlega ekki lengur fyrr en að fólk er orðið 18 ára.