Reiknuð spilling RÚV til að hrella Ásmund

Þegar ríkið borgar akstur einstaklinga, þingmanna eða opinberra starfsmanna, gengur það ekki þannig fyrir sig að viðkomandi starfsmaður tilkynni fjármálaráðuneyti um tegund og árgerð bifreiðar og fái greitt samkvæmt því.

Ríkið greiðir skv. taxta og gildir einu hvort maður ekur á Rolls Royce eða Kia.

Þegar RÚV reiknar spillingu á Ásmund Friðriksson þingmann gleymist ein mikilvæg forsenda: það er ekki spilling að fara eftir samþykktum reglum.

Rekstur bílsins rúmar 2 milljónir

Athugasemdir

[Þorsteinn Briem, 14.2.2018 kl. 14:32]

Mörlenskir hægrimenn eru duglegastir við að eyða fé skattborgaranna.

Þannig þykist Sigmundur Davíð Gunnlaugsson, formaður Miðfótarflokksins, eiga heima í Norðausturkjördæmi og fær fyrir það stórfé frá ríkinu en býr í Garðabænum og hefur aldrei búið á landsbyggðinni.

[Þorsteinn Briem, 14.2.2018 kl. 14:33]

Mörlenskir hægrimenn vilja helst starfa hjá ríkinu, til að mynda Páll Magnússon, fyrrverandi útvarpsstjóri, og þeir kunna að mjólka ríkiskúna.

23.8.2007:

"Páll Magnússon útvarpsstjóri ekur um á rúmlega níu milljóna króna Audi Q7 drossíu.

Bílinn tók hann á rekstrarleigu í apríl á síðasta ári. Eftir að Ríkisútvarpinu var breytt í hlutafélag yfirtók fyrirtækið skuldbindingar vegna bílsins og greiðir 202 þúsund krónur á mánuði, miðað við tveggja ára rekstrarleigu."

[Þorsteinn Siglaugsson, 14.2.2018 kl. 14:53]

Það væri áhugavert að vita á hvers konar bíl núverandi útvarpsstjóri ekur.

[Skeggi Skaftason, 14.2.2018 kl. 16:10]

Það er VITAÐ að ef maður keyrir bíl mjög mikið verður rekstrarkostnaður á hvern kílómeter lægri. Taxtar fyrir akstursgreiðslur eru EKKI miðaðar við að launþegi keyri fyrir vinnuna 30 eða 40 þúsund kílómetra á ári. Þegar aksturinn er svo mikill er ÓDÝRARA fyrir þann sem greiðir að leigja bílaleigubíl fyrir launþegann. ÞESS VEGNA voru gefin út tilmæli til þingmanna um nákvæmlega þetta, að taka frekar bílaleigubíl en eigin bíl, ef akstur á ári fyrir tengdur þingstörfum væri meira en 15.000 km á ári.

En Ásmundur kaus að hunsa tilmælin þó svo hann keyrði næstum ÞREFALT meira en viðmiðið, það kom sér fjárhagslega mjög vel fyrir hann, en illa fyrir ríkissjóð og okkur skattgreiðendur.

Ámundur *braut* ekki reglur, en hann fór EKKI eftir tilmælum og VISSI að þannig myndi hann hagnast persónulega.

Það er þér líkt Páll, að réttlæta svona svínerí.

[Gunnar Heiðarsson, 15.2.2018 kl. 09:14]

Skeggi, einmitt þess vegna lækkar það gjald sem greitt er fyrir notkun bíls, eftir akstri. Fyrir fyrstu 10.000km greiðist 110 kr/km, fyrir 10-20.000 greiðast 99kr/km og fyrir akstur umfram 20.000 greiðast 88kr/km. Þetta er það gjald sem ákveðið er af ráðneyti til handa öllum ríkisstarfsmönnum. Í mörgum kjarasamningum, annarra en ríkisstarfsmanna, er þessi tilskipun notuð til viðmiðunnar á svona greiðslum. Nú þekki ég ekki hvort fréttamenn ruv teljist til ríkisstarfmanna og njóti þessara greiðslna sjálfvirkt. Hitt er víst að stéttarfélag fréttamanna eru örugglega með slíkt ákvæði í sínum kjarasamningum.

Um þessar greiðslur, þ.e. upphæð þeirra, má auðvitað deila, en hætt er við að margur ríkisstarfsmaðurinn og aðrir þeir sem þurfa að nýta eigin bíl í þágu atvinnurekanda, muni þá rísa upp á afturlappirnar.

Það er síðan í valdi hvers og eins að ákveða hvernig bíl hann ekur. Ef ekið er á eyðslunettum og ódýrum bíl, myndast afgangur, en ef valið er að aka á stórum og dýrum jeppa, sem eyðir miklu eldsneyti, mun að sjálfsögðu vanta uppá.

Samkvæmt fréttum ruv og ummælum margra stjórnmálamanna, er það einhver ósköp að rekstrarkostnaður Ásmundar er minni en styrkurinn sem hann fær. Hann velur að aka litlum jeppling, eyðslunettum og frekar ódýrum. Er það meining manna að borga eigi eftir rekstrarkostnaði bíla? Að sá sem velur að aka um á stórum jeppa, eyðsluhák sem kostar hátt í íbúðaverð, eigi þá að fá meiri styrk?

Hætt er við að allir þingmenn og aðrir þeir sem kost eiga á slíkum styrk, muni fljótlega verða komnir á átta gata trukka!

En þjóðin getur róað sig, Ásmundur hefur gefið út að hann ætli að hætta notkun einkabílsins og taka þess í stað bílaleigubíl, á kostnað þjóðarinnar. Ekki mun það lækka reikninginn!

Að lokum óska ég sunnlendingum til hamingju með að eiga svo duglegan þingmann, sem Ásmund Friðriksson, þingmann sem nennir að hugsa um sína kjósendur og heimsækja þá. Mikið vildi ég að við hér í norð-vestur kjördæmi ættum, þó ekki væri nema einn, slíkan dugnaðarfork!!

[Gunnar Heiðarsson, 15.2.2018 kl. 09:23]

Og þar sem Skeggi sýnir sitt trýni í athugasemdum við þessa færslu síðuhöfundar, er rétt að benda fólki á að greiðslur ferðapeninga erlendis, til ríkisstarfsmanna, er ríflegar og þarf að hafa sig allan við ef takast á að eyða þeim öllum. Hvað skyldi Skeggi hafa grætt mikið umfram kostnað, þann tíma sem hann sást lítið á Íslandi, árin 2009 til 2013!!

[Skeggi Skaftason, 15.2.2018 kl. 10:12]

Gunnar:

Alþingi gefur sérstaklega TILMÆLI að þegar þingmenn keyra mikið fyrir vinnu (<15.000 km) þá skulu þeir frekar nota bílaleigubíla. Þessi tilmæli eru sett af ástæðu, vegna þess að bílaleigur (sem þó eru engin góðgerðarfélög) taka MINNA fyrir að leigja þingmanni bíl, heldur en þingmaðurinn sjálfur fær fyrir að aka eigin bíl, þegar um mikla keyrslu er að ræða.

E þingmaður t.a.m. keyrir frá Garði og til Hafnar og tilbaka daginn eftir, fær hann yfir 100.000 kr í aksturstyrk. Ég er nokkuð vis um að hann geti fengið bílaleigubíl í tvo daga fyrir minna en það.

Þar fyrir utan á Alþingi ekki að kosta hverju einustu ferð sem þingmanni dettur í hug að fara bara til að heilsa upp á fólk, t.d. í sinni prófkjörs- eða kosningabaráttu. Flokkarnir sjáflur eiga að kosta kosningabaráttu, þeir fá alveg nógu mikið frá ríkissjóði til þess að geta staðið straum af því.

[Gunnar Heiðarsson, 15.2.2018 kl. 10:39]

Sæll Skeggi

Nú ert þú auðvitað í mun sterkari stöðu en ég til að segja til um hvernig samninga ríkið gerir við bílaleigur. Veit bara að ef ég, óbreyttur almúgamaður, þarf að taka hér bíl á leigu, er gjaldið svo hátt að útilokað er að bílastyrkur geti náð þeirri upphæð, sama hversu duglegur ég er að dæla inn kílómetrum, sem n.b. ég þarf einnig að greiða fyrir hjá bílaleigunni!

Um síðustu málsgrein í síðari athugasemd þinni, þá er það eitt að segja að engum hefur enn tekist að sýna fram á að Ásmundur hafi brotið þær reglur sem um bílastyrk gilda, a.m.k. ekki sem neinu nemur. Einungis eitt tilfelli hefur fundist og það er vegna aksturs við gerðar auglýsingar. Akstur sem er svo lítið brot af heildarakstri hans, að vart er hægt að mæla hann. Auðvitað mun Ásmundur greiða til baka þann styrk sem hann þannig af ógáti fékk umfram reglur. Að öðru leyti hefur ekkert fundist sem stenst ekki skoðun.

Eins og ég bendi á í annarri athugasemd, hér fyrir ofan, greiðir ríkið ýmsa aðra styrki. Þeir eru flestir veglegir og ekki bundnir við kostnað. Takist þeim sem ferðast á vegum ríkisins erlendis, að halda niðri kostnaði, eignast hann "hagnað". Engum hefur dottið til hugar að fara í gegnum slíkar greiðslur, hvort heldur er til þingmanna, ráðherra eða annarra starfsmanna ríkisins. Og ekki dettur nokkrum manni til hugar að tengja þær greiðslur við kostnað, enda yrði þá fyrsta farrými flugfélaga ætið fullt af styrkþegum ríkisins og öll dýrustu hótel erlendis væru þá sjálfsagt með frátekin herbergi fyrir íslenska stjórnmálamenn og aðra starfsmenn ríkisins.

Enginn þekkir þetta þó betur en þú, Skeggi!!

[Kolbrún Hilmars, 15.2.2018 kl. 18:27]

Hinn almenni vinnumarkaður greiðir nákvæmlega sama kílómetragjald fyrir akstur eigin bifreiða launþega - allir launagreiðendur styðjast við tölurnar sem RSK ákvarðar. Hið sama gildir um dagpeninga, bæði innan- og utanlands.
En það er rétt sem Gunnar segir hér að ofan; réttur og sléttur launþegi  hefur almennt ekki efni á því að greiða bílaleigubíl úr eigin vasa.  Og það sem verra er; ef ríkið ætlar að gera einhverja fasta samninga fyrir sína starfsmenn (þmt þingliðið) þá þýðir það "magnafslátt" sem bílaleigurnar aftur bæta sér upp með hærra verði til einstaklinganna - nú eða einkageirans, sem kemur í sama stað niður.

[Skeggi Skaftason, 15.2.2018 kl. 22:23]

Gunnar Heiðarsson, það er enginn skömm að þvi að vera óbreyttur almúgamaður en ef þú veist ekki hvað kostar að taka bílaleigubíl þá ættirðu að kanna það en ekki bara blaðra svona útí loftið um hluti sem þú veist ekki. Ég get upplýst þig almúgamanninn um að það er hægðarleikur að finna svona upplýsingar á netinu.

Farðu t.d. á Avis.is, þar er hægt að sjá að leigja má Kia Sorrento bifreið í tvo sólarhringa, með ótakmarkaðan akstur innifalinn, fyrir um 31.900 kr. Olía fyrir akstur á Höfn og tilbaka myndi svo kosta ca. 16.000 kr svo þá er heildarkostnaður um 48.000 kr sem er HELMINGI LÆGRI tala en 100.000 krónurnar sem Ásmundur myndi rukka fyrir að keyra á eigin bíl.