Launin - tvöfalt bókhald VR

VR er uppreisnarfélag í verkalýðshreyfingunni, að sögn. En VR rekur tvöfalt bókhald um laun sinna félagsmanna.

Í fyrsta lagi er eru það samningsbundin laun. Þar má lesa að sérþjálfaður starfsmaður verslunar fær eftir fimm ára reynslu kr. 289.577,00 í laun á mánuði. 

Í öðru lagi tekur VR saman markaðslaun. Þar kemur fram að mánaðarleg meðalheildarlaun VR-félaga eru á síðasta ári kr. 630 þúsund. 

Markaðslaunin eru sem sagt rúmlega tvöföld samningsbundin lágmarkslaun.

Hverju sætir þessi munur? 

Meginskýringin er að samningsbundin laun eru lágmarkslaun. Markaðslaun er raunlaun, launin sem fyrirtæki eru tilbúin að borga. Að meðaltali, vel að merkja.

Hvernig er hægt að breyta þessu? Jú, með því að verkalýðshreyfingin semji um laun sem hvorttveggja í senn eru hámarks- og lágmarkslaun.

Er það hægt miðað við núverandi vinnumarkað? Nei, það er ekki hægt.

Er þá ekki einfaldast að verkalýðshreyfingin hætti að semja um laun? Svari hver fyrir sig.

 

Skammist sín ekki fyrir léleg kjör

Athugasemdir

[Gunnar Heiðarsson, 29.1.2018 kl. 16:58]

Það er fleira í muni samningsbundinna launa og markaðslauna. Eins og þú segir eru samningsbundin laun lágmarkslaun og markaðslaun meðaltal raunlauna.

Inn í meðaltalinu er þó fleira en bara "markaðsleg hækkun" launa, þar eru einnig ýmsar aðrar greiðslur, samkvæmt kjarasamningi. Aldurstengdar hækkanir, greiðsla vaktarálags til þeirra sem skila sinni vinni að stæðstum hluta utan dagvinnutíma, greiðsla næturvinnuálags til þeirra sem þurfa að vinna sína vinnu óreglulega utan dagvinnutíma og í framhaldi hans, greiðsla stórhátíðarálags til þeirra sem þurfa að skila sinni vinnu á stórhátíðum, greiðsla fyrir unninn matartíma til þeirra sem vegna sinnar vinnu verða að næra sig samhliða vinnu, greiðslu ferðapeninga til þeirra sem sendir eru til vinnu um lengri veg, greiðslu bílkostnaðar til þeirra sem stunda vinnu þar sem engin önnur úrræði eru til að mæta til vinnu en einkabíllinn og svona má lengi halda áfram.

Til að fá rétta mynd þarf að taka saman meðal-heildarlaun samkvæmt kjarasamningum og bera saman við svokölluð markaðslaun. Þannig og einungis þannig er hægt að bera saman þennan mismun.

Að bera saman epli við appelsínu, hefur aldrei gengið.