Samanburður á skítaþjóðum

Í Japan eru Bandaríkin heimili skítaþjóðar. Þaðan koma hermenn sem kunna ekki japanska háttvísi og bandarískar sendingar dagsettar 6. og 9. ágúst 1945 gleymast ekki. Í Póllandi er þýska þjóðin skítleg fyrir yfirgang ár og síð.

Í fáum orðum sagt eru allar þjóðir skítlegar í augum einhverra annarra. Það er ekkert nýtt.

Aftur er nýtt að orðfæri ættað úr frumhvötinni ,,við" og ,,þeir" er orðið að talsmáta þjóðarleiðtoga. Milliliðurinn, sem fleytir talsmáta frummannsins inn í samtímann, heitir samfélagsmiðlar.

En samfélagsmiðlar eiga að færa okkur nær hvert öðru, auka skilning og mynda tengsl.

Eitthvað fór verulega úrskeiðis. 

„Þetta fólk frá þessum skítalöndum“

Athugasemdir

[Ómar Ragnarsson, 13.1.2018 kl. 01:18]

Það er ákveðinn munur á því að bera óvildarhug til þjóða fyrir yfirgang eða að fyrirlíta þjóðir og sýna þeim megna lítilsvirðingu eins og nasistar gerðu gagnvart Gyðingum og slavneskum þjóðum, líktu útrýmingu Gyðinga við dráp á rottum eða meindýrum og skilgreindu slava sem óæðri kynþátt í alla staði.