Miðvikudagur, 10. janúar 2018
#metoo, einkalíf og refsingar
Innbyrðis samskipti fólks eru þeirra einkamál, svo fremi sem samskipti varða ekki við lög eða reglur á vinnustað eða skóla. Byltingin kennd við #metoo breytir viðurkenndum skilgreiningum á einkalífi.
Nú eru fyrri samskipti einstaklinga orðin opinbert mál ef þau varða óviðeigandi háttsemi þar sem kynferði skiptir máli. Það virðist nóg að annar aðilinn af tveim telji að háttsemi hafi verið óviðeigandi og eigi að hafa í för með sér refsingu fyrir meintan geranda.
Refsingarnar geta verið opinber smánun, atvinnumissir eða félagsleg útilokun, jafnvel allt þrennt.
,,Réttarhöldin" í þessum refsimálum fara fram á samfélagsmiðlum og í fjölmiðlum. Undir hælinn er lagt hvort sakborningur fái tækifæri til að bera hönd fyrir höfuð sér og útskýra sína hlið málsins. Ásökun um óviðeigandi háttsemi er oftast látin nægja sem staðfesting á sekt. Nær aldrei fer fram rannsókn á málsatvikum.
#metoo-byltingin byrjar sem frelsun en endar á galdrabáli.
![]() |
Uppsögnin tengd #metoo-byltingunni |
Tilkynna um óviðeigandi tengingu við frétt |
Athugasemdir
Miðað við fjölda frásagna virðast leikara og leikhússtéttin uppfullar af ofbeldismönnum og karlrembum. Þó má telja á fingrum annarrar handar þá sem framið hafa brotin og þarf reyndar að fara áratugi aftur í tíma til að fylla höndina. Mikið fjandi mega þessir fimmenninningar hafa verið fjölþreifnir til að svo margar sögur geti orðið til.
Í stjórnmálastétt hefur aðeins einn verið nafngreindur og hann verið dauður vel yfir 20 ár.
Enginn læknir og enginn háskólakennari.
Þetta #metoo er eitthvað best útfærða pólitíska PR-stunt sem sögur fara af. Allir karlmenn hafa nú verið settir í gapastokk og enginn veit hvers vegna.
Ragnhildur Kolka, 10.1.2018 kl. 16:06
Svo á að bæta um betur, gefa öllum þessum karlaófétum frekari tækifæri með því að gera almenningssalerni sameiginleg báðum kynjum. Hver stakk annars uppá því fyrst - varla kona, er það nokkuð...
Kolbrún Hilmars, 10.1.2018 kl. 16:47
Leikhússtjórinn á Akureyri kom reyndar sjálfur til sinna yfirmanna og sagði frá því að hann hafði nauðgað konu. Í kjölfarið var fundað með honum í tvígang. Svo hann fékk alveg tækifæri til að segja sína hlið og enginn að klaga uppá hann einhverjar ásakanir. Svo þessi pistill þinn á lítið erindi við það mál.
Skeggi Skaftason, 10.1.2018 kl. 22:33
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.