Einkalíf, samfélagsmiðlar og áreitni

Við lifum æ stærri hluta einkalífs okkar á opinberum vettvangi, á samfélagsmiðlum og sem kennitölur í gagnasöfnum. Byltingin kennd við metoo er krafa um virðingu fyrir einkalífi, að fólk, einkum konur, losni undan kynferðislegri áreitni.

Mótsögnin á milli þess að múrar einlífsins eru brotnir á einum stað en reistir á öðrum er hægt að skýra með valdeflingu kvenna. Konur nota samfélagsmiðla í ríkari mæli en karlar og konur eru fremur fórnarlömb áreitni en karlar.

Metoo er menningarbylting frá Hollywood. Valdefling kvenna þar á bæ er þegar farin að skila sér. Kvikmyndir með konum í aðalhlutverki fengu mesta aðsókn á síðasta ári. Síðast gerðist það skömmu eftir seinna stríð.

Valdefling kvenna kemur í bylgjum. Í einni bylgjunni um aldamótin 1900 óttuðust ráðandi öfl (les: karlar) endalok siðmenningar. ,,Frakkland er náttúrulaust, karlmennskan töpuð; þrátt fyrir bann á fóstureyðingum og smokkum mun ríkinu hnigna," skrifar Philipp Blom um andlegt ástand Frakka fyrir rúmum 100 árum.

Vestrænir karlmenn drifu sig í stríð fyrir einni öld að endurheimta karlmennskuna. Vægari úrræði eru reynd núna, t.d. með innflutningi á trúarmenningu sem lítur öðrum augum á jafnrétti kynjanna en vesturlandabúar.

 

Dagatölin „öll með tölu beint í ruslið“

Athugasemdir

[Ragnhildur Kolka, 2.1.2018 kl. 15:55]

Hvort innleiðing múslimskrar menningar er vægari aðgerð en opið stríð er kannski umdeilanlegt. Ef litið er til þeirra landa sem ástunda þau trúarbrögð má segja að þau gera ekki upp á milli kynja, fullorðinna og barna, þegar kirkjur eru brenndar og kristnum slátrað.