Rússland og Kína styrkjast; vesturlönd veikjast

Vesturlönd töpuðu stríðinu í Sýrlandi. Bandaríkin með stuðningi Evrópusambandsins ætluðu að skipta út Assad forseta, líkt og gert var við Hussein í Írak og Gadaffi í Líbíu. Með stuðningi Rússa hélt Assad velli.

Vesturlönd standa höllum fæti í Úkraínu. Bandaríkin og ESB styðja gerspillta ríkisstjórn í Kiev en Rússar uppreisnarmenn í austurhluta landsins.

Flestir stærstu fjölmiðlar á vesturlöndum fylgja þeirri frásögn að Rússar séu uppspretta óstöðugleika í heimspólitíkinni. En því er öfugt farið. Miðausturlönd loga í ófriði, ekki vegna þess að Rússar kveiktu bál heldur hernaðarævintýra Bandaríkjanna, sem hófust með innrásinni í Írak 2003. Miðausturlönd eiga nóg með að umbreyta miðaldaháttum í samfélagsskipan á eigin forsendum. Afskipti Bandaríkjanna gerðu illt verra.

Smærri fjölmiðlar á vesturlöndum, t.d. The Nation í Bandaríkjunum, sem er virt vinstriútgáfa og stendur á gömlum merg, birta reglulega greinar er gefa betri innsýn í þróun heimsmála en frásagnir stóru miðlanna.

Patrick Lawrence skrifar um árlegan blaðamannafund Pútín Rússlandsforseta sem varir í nokkrar klukkustundir, tæpar fjórar í ár, og er vettvangur Pútín að ræða allt milli himins og jarðar. Lawerence vekur athygli á orðum Pútín um nánari samskiptum Rússa og Kína sem forsetinn telur að sé bandalag til langs tíma.

Á meðan vesturlönd eru ráðvillt og innbyrðis sundurþykk styrkist bandalag Rússlands og Kína. Úr austri kemur krafa um stöðugleika og raunsæi á meðan vesturlönd eru eins og óviti með eldspýtur.

 

„Samskiptin hafa verið erfið“

Athugasemdir

[Jón Þórhallsson, 23.12.2017 kl. 12:21]

Er það ekki raun kína sem að er að "SKVETTA OLÍU Á ELDINN" / leika sér með eldspíturnar með því að selja n-kóreu olíu og halda þeim þannig gangandi?

Kastljós hemsins ætti að beinast miklu oftar að  HALLGRÍMSKIRKJUNNI SEM MIÐJU KRISTINNA MANNA Á HEIMSVÍSU SAMEINUÐUÞJÓÐUNUM þó að fólk sé ekki sammála öllu sem að kemur þaðan.

[Jónatan Karlsson, 23.12.2017 kl. 14:01]

Mjög svo raunsæ skilgreining hjá síðuhafa, sem verður aftur á móti ekki sagt um athugasemd Jóns varðandi ástand mála á Kóreuskaga.

Réttast væri að líkja þar ögrandi nærveru Bandaríkjamanna við fíl í postulínsbúð og láta fremur nágranna óþekktarangans róa hann eða tugta.

[Jón Þórhallsson, 23.12.2017 kl. 17:12]

Hvaða nágrannar ættu ættu að gera það?

Ef að n-kóra væri ekki með þessi tilraunaskot að þá væri USA væntanlega ekki eins mikið á ferðinni þarna.

[Guðmundur Böðvarsson, 23.12.2017 kl. 17:13]

Ég dáist að þolinmæði og þolgæði Rússa og er stoltur af því að fylgja þeim í flestum málum. Alvöru menn! 

[Jón Þórhallsson, 23.12.2017 kl. 18:56]

Sjálfur tel ég mig vera ÍSLENSKAN JAFNAÐARMANN

Er það eitthvert  stolt að fylgja rússum?

Eru þeir ennþá að berja á Úkraínumönnum?

[Wilhelm Emilsson, 23.12.2017 kl. 22:44]

Síðuhafi gæti kannski íhugað að flytast frá Vesturlöndum og setjast að í Kína eða Rússlandi, þar sem skynsemin og raunsæið ræður, að hans mati.

[Helga Kristjánsdóttir, 24.12.2017 kl. 01:35]

Það vildu alþjóðasinnar helst af öllu,en ættjarðarvinir hlaupa ekki frá landi sínu þjökuðu af einelti alþjóðahyggju vesturlanda.Heldur láta þeir allt yfir sig ganga þar til þeir ná að koma á stöðugleika og raunsæi. 

[Wilhelm Emilsson, 24.12.2017 kl. 03:14]

Ef Vesturlönd eru svona ömurleg hvað eruð þið að hanga hérna? Kannski þið Páll getið fengið tveir fyrir einn flugmiða til Rússlands.

[Helga Kristjánsdóttir, 24.12.2017 kl. 03:35]

 Ég vissi það! Enginn nema þú svarar með endurteknu efni. En það eru jól og ég óska þér Gleðilegra Jóla!..ágæti Wilhelm. 

[Wilhelm Emilsson, 24.12.2017 kl. 04:34]

Gleðileg jól, Helga :)