Píratar í hassvímu á borgaralaunum

Píratar sinna skjólstæðingum sínum vel. Þeir boða læknahass og borgaralaun enda þekkt að dópistar duga ekki vel til vinnu.

Næsta skref Pírata er að fá ríkið til að niðurgreiða tölvuleiki. Þar með væri búið að fylla út í þarfapíramída skjólstæðinganna.

Píratar ganga skipulega til verks í þágu þeirra sem lifa á öðrum. Þeir taka upp hanskann fyrir foreldra sem neita að bólusetja börnin sín í trausti þess að allir aðrir foreldrar bólusetji sín börn.

Vilja leyfa kannabis í lækningaskyni

Athugasemdir

[Guðmundur Böðvarsson, 17.12.2017 kl. 13:16]

Það er margt í mörgu..https://www.youtube.com/watch?v=1miGzTwK28U

[Ómar Ragnarsson, 17.12.2017 kl. 13:30]

Áfengi er lang mesti skaðvaldurinn þegar allt er lagt saman í heimi fíkniefnanna og hefur sett mark sitt á stjórnmálasöguna, bæði á Alþingi og annars staðar. 

Það er því svolítið langsótt að saka þingmenn eins flokks án nokkurra sannana að vera undir áhrifum fíkniefna á Alþingi. 

[Gunnar Th. Gunnarsson, 17.12.2017 kl. 13:46]

Tek undir með Ómari.

[Helga Kristjánsdóttir, 17.12.2017 kl. 18:33]

 Hvað er þetta allt sem er lagt saman? Skaðinn á þeim árum sem áfengi hefur verið lögleg söluvara og kannabis/hass ólöglegt; hvernig mælist það?  

[Jóhann Kristinsson, 18.12.2017 kl. 05:10]

Ég held að það geti allir verið sammála um að dóp, þar með talið áfengi, er ekki gott fyrir nokkurn einasta mann og ætti þess vegna ekki að leifast og ég er enginn bindismaður, en ég get alveg verið án þess.

Hitt sem sjóræningjarnir vilja kalla borgaralaun eru nú þegar komin á en er svo lág að það getur enginn lifað á borgaralaununum eins og þau eru sett upp í dag.

Kjósendur muna kanski að í síðustu stuttu kosningabaráttu lofuðu allir frambjóðendur sem ég hlutaði á úr öllum flokkum og líka flokkunum sem náðu ekki inn á þing, að taka út skerðinguna á borgaralaunum sem ná ekki til að fæða og klæða fólk þannig að fólk þarf að vinna með þessum lágkúru borgaralaunum, en þá eru borgaralaunin skert krónu á móti krónu. 

Hvað heldur fólk; haldið þið að þingmenn standi við loforðin og taki af skerðinguna? Ég held ekki, þingmönnum svona yfir höfuð með fáeinum undantekningum er nákvæmlega sama um lífskjör aldraða og öryrkja.

Kveðja frá Las Vegas

[Jón Ingi Cæsarsson, 18.12.2017 kl. 10:02]

Þessi pistlahöfundur ætti að fara að líta í eigin barm og hugleiða siðferðið