Hvað gerðist á heimili Ragnars Þórs formanns KÍ?

Þegar Ragnar Þór Pétursson var grunnskólakennari á Tálknafirði fékk hann heim til sín börn úr skólanum. Eitt barnanna var nafni Ragnars Þórs sem heitir Ragnar Þór Marinósson. Þessi nemandi kærði kennarann fyrir kynferðisbrot til lögreglu 7. janúar 2014.

Ragnar Þór kennari er nýkjörinn formaður Kennarasambands Íslands, KÍ. Í frétt á visir.is segist Ragnar Þór kennari þekkja nemandann:

„Ég man alveg eftir þessum dreng, þáverandi kærastan mín kenndi honum og ég kenndi bróður hans.“

Ragnar Þór kennari kveðst sem sagt muna eftir nemandanum, Ragnari Þór Marinóssyni, en harðneitar að hafa átt við hann nokkur samskipti. Í sama viðtali á visir.is segir kennarinn:

„Ég bjó ekkert einn á þessu heimili. Ég held að þessi Ragnar hafi einu sinni komið inn á heimilið með hóp af krökkum,“ segir Ragnar Þór. Hann þverekur fyrir að hafa sýnt Ragga eitthvað í tölvu á heimilinu.

En kæra Ragnars Þórs nemanda, sem alltaf er kallaður Raggi, er að kennarinn, Ragnar Þór Pétursson, hafi sýnt honum klámefni í tölvu.

Hvernig stendur á því að Ragnar Þór Pétursson muni vel eftir Ragnari Þór Marinóssyni, sem hann kenndi ekki og kom aðeins ,,einu sinni" inn á heimili kennarans? Þessir atburðir gerðust fyrir 20 árum. Augljóst er að samskipti þeirra nafna voru meiri en Ragnar Þór kennari vill vera láta. Annars hefði hann ekki munað eftir nemandanum.

Fjölskylda Ragnars Þórs Marinóssonar birti yfirlýsingu í gær þar sem málsvörn Ragnars Þórs Péturssonar er mótmælt. Í yfirlýsingunni segir m.a.:

Við vitum um tvo aðra einstaklinga sem muna glögglega eftir því að hafa verið einir heima hjá kennaranum. Auk þess hafa nokkrir ungir menn, sem eru á sama aldri og Raggi, sagt okkur frá því að þeir hafi verið nokkrir saman heima hjá Ragnari Þór Péturssyni.

Samkvæmt þessu naut Ragnar Þór samvista með börnum heima hjá sér. Almennt tíðkast ekki að kennarar taki börn heim til sín. Og það veit Ragnar Þór Pétursson manna best. Hann skrifar þetta í athugasemd við yfirlýsingu fjölskyldu Ragnars Þórs Marinóssonar:

Þá hef ég aldrei boðið nemendum í heimsóknir til mín. Ég man að hópur nemenda þáverandi sambýliskonu minnar kom í heimsókn til hennar. Ég man eftir einum nemanda mínum sem kom og gaf mér kveðjugjöf skömmu áður en ég flutti. Og þegar ég talaði við þáverandi sambýliskonu mína mundi hún eftir einum öðrum nemanda sem heimsótti hana. Það má vel vera að einhverjir hafi bankað upp á – en það var aldrei í mínu boði og ég sýndi þeim svo sannarlega ekki klám eða vonda framkomu.(undirstrikun pv)

Hversu líklegt er að nemendur Ragnars Þórs ,,hafi bankað upp á" hjá honum?

Í ljósi þess að málsvörn Ragnars Þórs Péturssonar stenst ekki skoðun, eins og áður hefur verið rakið, er ólíklegt að hann segi allan sannleikann um hvað gerðist á heimili hans er þangað komu grunnskólabörn, þar á meðal Ragnar Þór Marinósson.

Athugasemdir

[Kreppuannáll (IP-tala skráð) 12.12.2017 kl. 08:40]

non legem

Þetta hjá þér hefur engin rök.  Þegar einhver ásakar þig um eitthvað, ferðu strax í hugskot þín og leitar þar að því sem viðkemur.  Hann sér myndina af drengnum, setur hana í samband við minni sitt af þeim krökkum sem þar eru og niðurstaðan er þessi.  Það væri mun grunsamlegra, ef maðurinn þættist ekki muna neitt ... og bregði við sig fiskaminni.

Ef fólk kemur inn á heimili þitt, þó það sé ekki nema einu sinni.  Mundir þú "muna eitthvað eftir" því, ef eitthvað bæri á bobbann. Þetta atriði, er notað af "PsyOps", til að "búa til minni" hjá fólki, þar sem minni viðkomandi er "óljóst", er hægt að hafa áhrif á veikgeðja fólk um það "hvað það minnist".

[Þorsteinn Siglaugsson, 12.12.2017 kl. 11:37]

Mér finnst þú vera kominn út á dálítið hálan ís, Páll. Ég myndi láta staðar numið, jafnvel þótt þér sé greinilega í nöp við þennan mann.

[Ragnhildur Kolka, 12.12.2017 kl. 14:55]

Tek undir með Þorsteini. Það er með þetta eins og svo margt í #metoo málunum, ef ekki er hægt að sýna fram á atburðinn þá stendur orð gegn orði. Líf margra hafa verið lögð í rúst, bæði fórnarlamba sem ásaka án viðhlítandi sannana og þeirra sem bornir eru röngum sökum. Þetta eru lögreglumál og betra að láta lögregluna um að rannsaka þau.

Stundin leyfir sér að þvæla fram og til baka með svona ásakanir en við ætlumst til meira af þér.

[Jóhann Kristinsson, 13.12.2017 kl. 00:27]

Er ekki komið nóg af ásökunum? Ég er stuðningsmaður #enougisenough.

Kveðja frá Las Vegas

[Heimir Lárusson Fjeldsted, 13.12.2017 kl. 04:25]

Ég var að leita að upplýsingum um málið á Stundinni punktur is, en fann ekki stafkrók um mál Ragnars Þórs Péturssonar. Stundin punktur is er annars þekkt af rannsóknarblaðamennsku sinni.

 

[Ragnhildur Kolka, 13.12.2017 kl. 16:31]

Heimir, ég var almennt að vísa í skrif Stundarinnar, ekki endilega þetta ákveðna mál. Enda set ég þá umfjöllun í sér málsgrein.

[Heimir Lárusson Fjeldsted, 13.12.2017 kl. 16:46]

Frú Kolka, skil þig.

Ég var að vísa almennt til Stundarinnar þess sóða báss, þar er ekki starfkrókur um RÞP, er hann kannski í þeirra liði og þeir áræða ekki að verja hann?

Spyr sem ekki veit.

 

[Heimir Lárusson Fjeldsted, 13.12.2017 kl. 16:48]

Bjó Ragnar Þór Pétursson yfir ósóma í tölvunni sinni sem hann neitar að hafa sýnt?

 

[Jóhann Kristinsson, 13.12.2017 kl. 18:56]

Er ekki first að ákveða að hann sé sekur áður en málið verði rannsakað. Er það ekki nýja rettarfarið #metoo hreyfingarinar.

Kveðja frá Las Vegas

[Ragnhildur Kolka, 13.12.2017 kl. 21:20]

Ég er sammála þér Heimir, það er alltaf grunsamlegt þegar Stundin þegir yfir skandal. Það sannar þó ekki að RÞP sé sekur. Aðeins að hann er í þeirra liði. 

Það væri hins vegar vítavert ef lögreglan rannsakaði ekki tölvu mannsins þegar kæran var lögð fram.