Formaður KÍ um ákæranda: Viðkomandi er líklega sjúkur

Ragnar Þór Pétursson nýkjörinn formaður Kennarasambandsins var ákærður fyrir kynferðisbrot á barni sem var nemandi hans. Ákæran var lögð fram 7. janúar 2014. Í frétt á visir.is segir:

Raggi lagði fram kæru gegn Ragnari Þór hjá kynferðisafbrotadeild lögreglustjórans á höfuðborgarsvæðinu þann 7. janúar 2014. Hann kærði fyrir kynferðisbrot. Hann kærði fyrrum kennara sinn fyrir að sýna sér klámmyndir þegar hann var í grunnskóla. Lögreglumaðurinn sagði Ragga í skýrslutökunni að maðurinn sem hann kærði fengi að vita af kærunni og hefði rétt á að lesa skýrsluna.

Tíu dögum síðar, 17. janúar 2014, er Ragnar Þór mættur í fjölmiðlaviðtal og segir um ákærandann: ,,Viðkomandi er líklega sjúkur og á bágt."

Ragnar Þór Pétursson var á þessum tíma í samskiptum við Kastljós. Hann fékk þar inni í desember 2013 til að tjá sig um ábendingu um kynferðisbrot sem hafði borist fræðsluyfirvöldum í Reykjavík. Drengurinn sem kærði Ragnar Þór fékk símtal frá umsjónarmanni Kastljóss, Sigmari Guðmundssyni, daginn eftir að hann lagði fram kæru. Samkvæmt visir.is:

Þegar ég kærði hringdi blaðamaður í mig daginn eftir út af þessu máli, út af kennaranum. Sigmar (Guðmundsson) hringdi í mig af RÚV. Ég var mjög reiður. Ég var samt alveg kurteis við hann og sagði honum frá þessu í stuttu máli en ég væri ekki tilbúin að gera eitthvað, ég væri að reyna að byggja upp líf mitt. Ég sagði honum að ég væri búinn að tala við lögregluna og það ætti að vera nóg.

Ef Sigmar Guðmundsson í Kastljósi vissi um kæruna er alveg öruggt að Ragnar Þór vissi hver kærandi var. Líklega fékk Sigmar upplýsingar frá Ragnari Þór, en um það verður hann að svara.

Það er viðurkennt að þeir sem verða fyrir kynferðislegu ofbeldi eiga erfitt með að stíga fram og segja sína sögu. Áreiti frá fjölmiðlum brýtur þá niður.

En nú hafa kennarar sem sagt kosið til formanns í heildarsamtökum sínum mann sem segir um ungan mann, fyrrum nemanda sinn: ,,Viðkomandi er líklega sjúkur og á bágt."

Ef Ragnar Þór Pétursson tekur við embætti formanns Kennarasambands Íslands í apríl á næsta ári eru kennarar í heild að senda út þau skilaboð að nemendur sem kæra kynferðisbrot séu líklega sjúkir og eigi bágt.

Ef það gengur fram að Ragnar Þór Pétursson verður formaður KÍ er jafngott að leggja sambandið niður samdægurs. Engir kennarar með sjálfsvirðingu vilja leggja nafn sitt við KÍ með Ragnar Þór sem formann.

 

Formaður KÍ geti ekki notið vafans

Athugasemdir

[Jóhannes Laxdal Baldvinsson, 6.12.2017 kl. 11:06]

Þú ert að koma til Páll.  Nú kannski skilurðu hvernig Bjarni Ben hefur rústað Sjálfstæðisflokknum og trúverðugleika stjórnkerfisins sem hann hefur átt þátt í að skipa undanfarinn áratug.

Siðferðilegi mælikvarðinn er nefnilega algildur.  Hann er ekki flokksbundinn!

[Þorsteinn Siglaugsson, 6.12.2017 kl. 15:23]

Ef einhver kærði þig, Páll, fyrir eitthvað sem þú hefðir ekki gert, væri þá óeðlilegt að þú teldir viðkomandi eiga bágt?

[Páll Vilhjálmsson, 6.12.2017 kl. 15:41]

Mistökin í málinu, Þorsteinn, er ekki kæran sjálf heldur viðbrögð Ragnars Þórs. Hann kaus að fara með málið fram á opinberum vettvangi. Í málflutningi sínum dæmir Ragnar Þór sig úr leik sem formaður KÍ.