Tilfallandi athugasemdir

Mánudagur, 27. nóvember 2017

RÚV-atlagan að hæstarétti

Skúli Magnússon formaður Dómarafélags Íslands segir RÚV hafa staðið fyrir ,,þaulskipulagðri aðgerð" gegn hæstarétti og stjórnskipum landsins fyrir ári. Rétt er að rifja upp helstu málsatvik hæstaréttarupplaups RÚV fyrir ári:

Síðdegis á mánudag kynntu ritstjórar Kastljóss, Þóra Arnórsdóttir og Helgi Seljan, skandal kvöldsins, um spillingu í hæstarétti, hornsteini réttarkerfisins.

Spilað var á tilfinningar öfundar og tortryggni í fréttinni: Markús Sigurbjörnsson, hæstaréttardómari og forseti Hæstaréttar, átti hlutabréf fyrir tugi milljóna í Glitni banka á árunum fyrir hrun. Bréfin seldi hann með miklum hagnaði árið 2007. Dómarar við Hæstarétt eru æviráðnir og laun þeirra með því hæsta sem gerist hjá hinu opinbera til að tryggja sjálfstæði þeirra.

Eins og til var ætlast tóku aðrir fjölmiðlar undir, sérstaklega 365-miðlar Jóns Ásgeirs Jóhannesson, sem er fastakúnni hjá dómskerfinu, bæði fyrir og eftir hrun. Gamalkunnugt stef frá tímum síðustu ríkisstjórnar vinstrimanna, um ónýta Ísland, var komið með nýtt viðlag: hæstiréttur er líka gerspilltur.

RÚV er ábyrgðarlaus fjölmiðill, eins og dæmin sanna.

Flokkur: Dægurmál | Facebook

Athugasemdir

Auðvita á RUV að þegja um öll svona mál. Auðvita er í lagi að Dómarar eigi hlutabréf í fyrirtækjum sem þeir hugsanlega lenda í að dæma í málum hjá. Algjörlega ömurlegt að fjölmiðlar séu að fjalla um svona mál. Svona mál eiga klárlaga að liggja í þagnargildi. Alveg eins og það skuli vera talað um hlutabréfaeignir konu forsætisráðherra (fyrrverandi) því auðvita tengist hún ekki eiginmanni sínum á nokkurn hátt. Bölvuð frekja í RUV. Og auðvita átti ekkert að fjalla um hrunið og útrásarvíkingana því þar með var RUV að draga úr trú manna á Íslenska fjármálakerfinu. þetta er nú meira bullið. Bendi á að Jón Steinari fyrrum dómara þótti fréttir RUV fyrir ári fullkomlega eðlilegar.

Magnús Helgi Björgvinsson, 27.11.2017 kl. 17:08