Einkalíf Sigmundar, Bjarna og Rósu B.

Einkalíf Sigmundar Davíðs var pólitískt hitamál, þar sem eiginkonu hans tæmdist arfur. Einkalíf Bjarna Ben. var gert að stórmáli með fréttum um að faðir hans hafði skrifað undir hjá manni sem sóttist eftir uppreisn æru.

Þegar sá orðvari nýþingmaður Helga Vala Helgadóttir talar um ,,jakkið" á hún við aursletturnar sem hún og samherjar hennar köstuðu að Sigmundi Davíð og Bjarna Ben.

Víkur þá sögunni að Rósu B. Brynjólfsdóttur þingmanni Vinstri grænna. Hún er leiðandi í kröfunni um að Vinstri grænir starfi með Samfylkingu og notar sömu rök og Helga Vala.

Á vef alþingis segir að hún sé í hjónabandi með fyrrum framkvæmdastjóra Samfylkingar, Kristjáni Guy Burgess. Rósa B. er ekki þýfguð um það hvort sambúð með innvígðum og innmúruðum samfylkingarmanni hafi áhrif á pólitískt mat hennar. Ekki grennslast fjölmiðlar fyrir um hvort enn sé ráðningarsamband milli Kristjáns og Samfylkingar.

Einkalíf Rósu B. er ekki til umræðu á samfélagsmiðlum eða í fréttum. Nærfærnin sem Rósu B. nýtur sýnar hve háttvísir fjölmiðlar eru - þegar kemur að öðrum en Sigmundi Davíð og Bjarna Benediktssyni.

Þrá að spritta sig með VG

Athugasemdir

[Hrossabrestur, 19.11.2017 kl. 17:52]

Þessi Helga Vala er bara lágkúruleg eins annað samspillingarpakk.

[Magnús Helgi Björgvinsson, 19.11.2017 kl. 18:46]

Held nú reynar að konu Sigmundar hafi ekki tæmst arfur á þessum tíma sem um er rætt. Það var löngu fyrr sem foreldrar hennar greiddu þeim út arfinn. það var 2006 eða fyrr eftir málaferli við föður Önnu þar sem Sigmundur hafi staðið framarlega í bráttunni. Af dv.is

Anna Sigurlaug stefndi honum fyrir Héraðsdóm Reykjavíkur árið 2006 til þess að fá fyrirframgreiddan arf.

Stundin ljóstrar því upp að málið hefði verið komið svo langt í réttarkerfinu að það var komið með málsnúmer.
DV greindi fyrst frá deilunum um arfinn árið 2012, en Anna Sigurlaug var yngsti milljarðamæringur landsins á þeim tíma.

Deilurnar sem um ræðir voru í raun opinbert leyndarmál. Þannig sagði sagan að Anna Sigurlaug hefði fundist hún vera sniðgengin og að hún hafi átt erfitt með að horfa á bróður sinn, Boga Pálsson, fá traust og tækifæri og hagnast verulega á meðan hún sat sjálf hjá.

Og svo hér

http://www.dv.is/frettir/2012/9/29/fjolskyldudeilur-vegna-arfs/

Sagan, sem hefur verið opinbert leyndarmál um árabil hjá þeim sem þekkja til fjölskyldunnar, segir að Anna Sigurlaug hafi fundist hún vera sniðgengin. Fjölskyldudeilurnar um arfinn urðu ansi harðar og er Sigmundur Davíð sagður hafa beitt sér mjög fyrir því að Anna sæti við sama borð og bróðir hennar

[Predikarinn - Cacoethes scribendi , 19.11.2017 kl. 21:18]

MHB

Þú bregst blogglesendum aldrei í hversu langt þú seilist í vitleysunni og getur illa lesið þér til gagns.

Kærasta/sambýliskona SDG var beitt órétti að lögum við fyrirfram greiddan arf. Hún neyddist, eins og aðrir borgarar sem eru sviknir um lagaleg réttindi, til þess að stefna föður sínum fyrir dóm til þess að fá réttmætan hlut sinn.

Stutta sagan er að hún vann málið og var dæmt henni í vil þannig að allir fengu samkvæmt lögum af arfinum.

En þú að hætti annarra sósíalista kýst að búa til hænsnabú þar sem ekki er einu sinni einni fjöður til að dreifa.

Hafið þið ekkert betra að gera við líf ykkar en að níða skóinn af heiðarlegu fólki? Fjölmæli nefnist margt af því sem þú hefur sagt um tíðina og er saknæmt að lögum.Farið að líta í eigin barm og reyna að fjarlǽgja bjálkann úr ykkar eigin auga áður en þið fordæmið flísina í auga náungans, sem oftast er ekki einu sinni til staðar eins og nefnt var að ofan.

[Skeggi Skaftason, 20.11.2017 kl. 14:39]

Jesús Kristur,

þetta gæti hreinlega verið einn af þeim heimskustu pistlum sem Páll hefur skrifað, og eru þeir nú fleiri en tveir og fleiri en þrír ...

Það var EKKI útdeiling arfsins eða fjölskyldudeilur í kringum það sem varð pólitískt hitamál, heldur það að arfurinn skyldi geymdur í leynilegu aflandsfélagi í Panama sem svo átti verulega kröfur í þrotabú fallinna bankanna.

Það var heldur EKKI verið að velta sér upp úr "einkalífi" BB, heldur vakti það vantraust að hann og samráðherra hans virtust tregðast við að veita eðlilegar upplýsingar sem komu sér illa fyrir föður BB.

[Predikarinn - Cacoethes scribendi , 20.11.2017 kl. 14:56]

Dr. Össur

Þú bregst ekki frekar en endranær í undanbrögðum og útúrsnúningum. 

Það sést í tekjublöðum DV, Frjálsrar verslunar og fleiri öll árin aftur til þess tíma er sambýliskona SDG átti lögum samkvæmt að gefa fjármuni sína upp til skatts, að tekjublöðin hafa sýnt svo ekki verður um villst að hún gaf þetta allt upp til skatts, auk þess sem auðlegðarskattur sá sem hún greiddi, samkvæmt þessum blöðum, passaði við það sem niðurstaða dómsmálsins sagði til um.

Leynilegra var þetta nú ekki, því allar upplýsingar um fjármunina lágu fyrir hjá skattyfirvöldum á Íslandi, sem og lesendum tekjublaðanna og fullur skattur að íslenskum lögum greiddur af upphæðinni. Það sem þú vísar í á við um þá sem eru að fela fjármuni sína fyrir hérlendum skattyfirvöldum. Þarna var engu slíku til að dreifa. Sömuleiðis er varsla fjármuna, eins og þér á nú manna best að vera kunnugt um, fullkomlega lögleg á þessum stað eins og EES samningurinn kveður á um, sem og íslensk lög.

[Kolbrún Hilmars, 20.11.2017 kl. 15:34]

Arfurinn féll til hér á landi, af honum var greiddur erfðafjárskattur og skattyfirvöldum var þannig frá upphafi kunnugt um upphæðina. Það er óskiljanlegt að menn séu enn að velta sér uppúr þessu máli.

[Skeggi Skaftason, 20.11.2017 kl. 16:16]

Predikarinn Kakó:

Það hefur ALDREI komið fram eða verið staðfest að skattayfirvöld hafi vitað af tilvist aflandsfélagsins WINTRIS, eða að félagið átti kröfur uppá hálfan eða heilan milljarð í þrotabú bankanna.

Það má vel vera að þau hjón hafi gefið upp sína FJÁRMUNI uppá hverja krónu, og það væri gott, en það þýðir EKKI að þeim TÖLULEGU UPPLÝSINGUM (upphæðum) hafi fylgt neinar frekari upplýsingar aðrar en að þetta væri fé geymt í banka erlendis.

[Skeggi Skaftason, 20.11.2017 kl. 16:17]

Kolbrún,

það er enginn að velta sér mikið upp úr þessu lengur, nema helst Sigmundur Davíð sjálfur, og dyggur skjaldsveinn hans Páll Sancho Panza Vilhjálmsson.

[Hjálmtýr V Heiðdal, 21.11.2017 kl. 18:47]

Hvernig þú getur sett hjónaband Rósu í sama dálk Wintrismál Sigmundar og góðverk föður Bjarna við barnaníðing.