Hallgrímur hótar Vinstri grænum

Frambjóðandi Samfylkingar, Hallgrímur Helgason rithöfundur, hótar Vinstri grænum aðför á samfélagsmiðlum hefji þeir viðræður við Sjálfstæðisflokk um myndun ríkisstjórnar. Hallgrímur birtir hótunina í pistli á Stundinni:

Sjálfstæðisflokkur og Framsókn, sem og hinn óstýriláti lausaleikskrói þeirra sem skírður var Miðflokkur, eru og verða í tröllahöndum. Þetta eru eitraðir flokkar. Sá sem sest í stjórn með þeim deyr í stólnum. Á staðnum.

Hallgrímur segir ,,öskrið okkar eina skjól" í lokaorðum og vísar þar í mátt samfélagsmiðla að gera ys og þys út af engu.

Vinstrimaðurinn Hallgrímur er þekktur fyrir næmt pólitískt stöðumat. Í frægri grein í Morgunblaðinu haustið 2002 skrifaði hann um meinta tilraun Davíðs Oddssonar þáverandi forsætisráðherra að hemja útrásarauðmenn:

Við sem heima sitjum skiljum ekki hvers vegna guðfaðir nýja hagkerfisins snýst gegn bestu börnum þess. Við skiljum ekki hvers vegna sjálfstæðismenn beita öllu sínu gegn sjálfstæðustu mönnum landsins.

Okkur sem vorum að vona að íslenska efnhagskerfið væri loksins að fullorðnast tók það sárt að sjá lögregluvaldi misbeitt gegn framsæknum viðskiptamanni á örlagastundu; einn stærsti árangur Íslendinga í alþjóðaviðskiptum var eyðilagður af litlum mönnum með stór völd.

Hallgrímur er á opinberu framfæri sem rithöfundur. Hann fær listamannalaun frá ríkinu upp á 370 þúsund krónur á mánuði en gefur aðeins upp til skatts 140 þúsund krónur í tekjur. Skattahagræði Hallgríms felst í því að hann telur sjálfan sig fram sem fyrirtæki, verktaka.

Maður með pólitíska næmni Hallgríms og siðferðilega yfirburði telur eðlilega sóma sínum best borgið með öskri á samfélagsmiðlum.

Þrír að hefja viðræður

Athugasemdir

[Jón Steinar Ragnarsson, 9.11.2017 kl. 08:42]

Hann er annað tveggja að kalla á DBMF eða nýjar kosningar. Annað er ekki í stöðunni. Spurning hvort hann hafi hugsað tannagnístrið til enda.

[Gunnar Heiðarsson, 9.11.2017 kl. 21:16]

 Þegar maður les þessar tvo pistla eftir Hallgrím Helgason, annan skrifaðan árið 2002 og hinn nú í dag, verður ljóst hverskonar ógnar hatur býr í brjósti þessa manns. Sársaukinn sem því hatri fylgir hlýtur að vera mikill.

Hatur er ekki gott veganesti fyrir stjórnmálamann, þó minna komi að sök að rithöfundar séu haldnir slíkri villu. Það er vonandi að honum takist að koma sér ofarlega í virðiskeðju síns flokks, það mun þurrka þann flokk endanlega út!

Að maður, sem lifir á okkur landsmönnum, þeim sem verðmætin skapa, skuli hata svo ofboðslega allt og alla sem fóðra hann, er í sjálfu sér undarlegt. Kannski skýrist það hatur af því að aðrir listamenn geta lifað vel af sinni listsköpun. Að átta sig á að vera misheppnaður reynir á sálarlífið.

Það væri kannski rétt fyrir Hallgrím Helgason að skipta um starfsvettvang, fá sér vinnu þar sem raunveruleg verðmætasköpun verður til, vinnu þar sem hann verður gefandi í stað þiggjandi. Hugsanlega mun þá reiðin og sársaukinn minnka hjá honum.

[Hrossabrestur, 10.11.2017 kl. 17:50]

Sammála þér Gunnar, hvenær hefur téður Hallgrímur unnið ærlegt handtak um æfina, ég held aldrei. Hef illan grun um að hann sé ekki að framleiða nokkurn skapaðan verðmætan hlut og sé í raun bara afæta og illska hans í garð Sjálfstæðisflokksins sé kannski vegna þess að Sjálfstæðisflokkinn langar að skera burt afætur sem er bæði heilbrigt og eðlilegt að gera.

Ef þetta listamannalið getur ekki lifað af því sem það er að gera á það að fá sér vinnu eins og þú segir, það á ekki að taka skattana okkar sem erum í fullri vinnu og halda upp hyski nennir ekki að vinna.

[Árni Gunnarsson, 10.11.2017 kl. 18:33]

Er Hallgrímur þá á pari við Hannes H. Gissurarson andlegan leiðtoga íslenskra hægri manna með að hafa aldrei unnið ærlegt handtak?