Sigmundur Davíð skapar pólitík - Vinstri grænir tapa

Samanlagður þingflokkur Miðflokksins og Flokks fólksins er 11 þingmenn, jafn stór og þingflokkur Vinstri grænna. Bandalagið styrkir stöðu Sigmundar Davíðs í valdataflinu við myndun ríkisstjórnar.

Útspil Sigmundar Davíðs veikir sérstaklega stöðu Vinstri grænna sem daðra við vinstristjórn til að geta selt sig dýrt til Sjálfstæðisflokksins. Sigmundur Davíð getur boðið Bjarna Ben. 11 manna þingflokk og þá þarf aðeins Samfylkingu eða Framsóknarflokk til að mynda meirihluta.

Formaður Framsóknarflokksins gaf það út að hann vildi breiða stjórn (les: með Sjálfstæðisflokki og Vinstri grænum). Kata Jakobs þarf að hrökkva eða stökkva fyrr en hún hélt.

 

Í samvinnu með Flokki fólksins

Athugasemdir

[Hrossabrestur, 30.10.2017 kl. 17:47]

Já Kata þarfa að vera snögg að hugsa strategískt og spara Steingrímsglott hið síðara. 

[Jósef Smári Ásmundsson, 30.10.2017 kl. 17:59]

Gallinn við núverandi stjórnkeri er meðal annars sá að kjosendur fá engu ráðið við framvinduna eftir kosningar. Nú blasir við að hægri flokkar eru með meirihluta atkvæða, en samt getur þetta snúist upp í vinstri stjórn. er það ekki andstætt lýðræðislegum vilja?

[Guðmundur Ásgeirsson, 30.10.2017 kl. 19:07]

Málið með lýðræðið er nefninlega að það eru alls ekki allir á einu máli um hvað sé hin "rétta" lýðræðislega niðurstaða.

[Halldór Jónsson, 30.10.2017 kl. 22:14]

Kata er búin að missa af stræðtó eftir gambít Simma. Hann er með þetta strákurinn eins og oft áður. Bjarni er í pokanum og verður held ég bara feginn. Og allir landsmenn líka, a.m.k.þeir sem sáu og heyrðu erlenda fréttaritara þjóðarinnar SmáraMcCarthy í kvöld.Þvílíkur snillingur.