Foreldrar, börn og skilningsleysi RÚV

Fyrsta frétt Sjónvarps-RÚV var um 13 ára dreng í fíkniefnaneyslu. Foreldrarnir kvörtuðu sáran að samfélagið hjálpaði ekki drengnum. Fréttamaður RÚV kveikti ekki á þeirri peru að 13 ára börn eru á ábyrgð foreldra sinna.

Móðirin kvaðst vilja að drengurinn kæmist út á land. Hvers vegna flytja foreldrarnir ekki út á land með drenginn?

Það er ekki samfélagsins að ala upp börn. Fólk velur að eignast börn og verður að axla ábyrgðina sem fylgir.

Athugasemdir

[Jón Þórhallsson, 25.10.2017 kl. 20:21]

Erum við ekki með forseta á fullum launum á Bessastöðum við að hugsa í lausnum?

Ber hann enga ábyrgð á sinni þjóð?

http://thjodarskutan.blog.is/blog/thjodarskutan/entry/2200672/

[Magnús Helgi Björgvinsson, 25.10.2017 kl. 21:33]

Er ekki rétt að hlusta almennilega á fréttina. Foreldrar höfðu um árabil leitað eftir aðstoð vegna vanlýðunar hjá drengnu sem og að þau sögðu að þau réðu ekki við ört vaxandi vandræði drengsins. Það er foreldra að leita allra leiða til að tryggja velferð barna sinna og þar með talið að leita eftir aðstoð ef þau ráða ekki við það t.d. vegna undirliggjandi tauga- eða geðsjúkdóma

[Páll Vilhjálmsson, 25.10.2017 kl. 21:44]

Það er ekkert minnst á tauga- eða geðsjúkdóma í fréttinni, Magnús.

[Þórhallur Pálsson, 25.10.2017 kl. 23:16]

Svo virðist vera sem þetta að "flytja út á land" sé lagt að jöfnu við það að flytja til Afríku.  Samt telja foreldrarnir barninu fyrir bestu að komast af höfuðborgarsvæðinu.
Mjög margt fólk hefur enga reynslu af öðru umhverfi en höfuðborgarsvæðinu, nema sem sumarferðalangar.