Siðleysi vinstrimanna

Vinstrimenn og fjölmiðlar þeirra, RÚV, Stundin og Kjarninn, nota stolin gögn til sá fræjum tortryggni í kosningabaráttunni. Gögnin eru úr þrotabúi Glitnis, meira en tíu ára gömul.

Gögnin geyma persónulegar upplýsingar. Þrátt fyrir ítrustu tilraunir geta fjölmiðlar vinstrimanna ekki sýnt fram á að gögnin varpi ljósi á nein lögbrot. Engu að síður nota vinstrimenn gögnin til að efna til fjölmiðlaréttarhalda þar sem ákæruvald og dómstóll eru RÚV, Stundin og Kjarninn. Markmiðið er ekki að leiða sannindi í ljós heldur ala á grunsemdum og tortryggni.

Í allri umræðunni um Glitnisgögnin vottar hvergi fyrir efasemdum vinstrimanna um siðferðilegt réttmæti þess að nota stolin gögn til að grafa undan tiltrú fólks á stjórnmálum.

Ríkjandi viðhorf vinstrimanna er að tilgangurinn helgi meðalið. Lygi, falsfréttir og blekkingar eru lykillinn að árangri í pólitík, er viðkvæði vinstrimanna. Útkoman verður siðlaust samfélag.

Stuldur á gögnum ekki réttlætanlegur

Athugasemdir

[Hrossabrestur, 23.10.2017 kl. 07:22]

Köllum hlutina bara réttum nöfnun Páll, Vinstra fólk er bara einfaldlega ekki skörpustu skörpustu hnífarnir í skúffunni, láta menn á borð við Hallgrím Helgason sem aldrei hefur nennt að vinna teyma sig á asnaeyrunum. 

[Jón Steinar Ragnarsson, 23.10.2017 kl. 11:44]

Mikið væri gaman að vita hve margir af frétta og dagskrárgerðarmönnum RUV hafa starfað í og fyrir Samfylkinguna og VG. Jafnvel staðið í framboðum eða sinnt ábyrgðarstöðum þar. Siðasti skítadreifarinn Aðalsteinn gengdi ábyrgðarstöðu hjá Samfylkingunni og hefur talað á þingum hennar. Hann er bróðir ritstjóra Stundarinnar og vann fyrir Reykjavik Media áður en hann ákvað að gerast flugumaður á RUV. 

Ég held að slík samantekt yrði fróðleg og lýsandi fyrir "hlutleysi" RUV.

[Jón Steinar Ragnarsson, 23.10.2017 kl. 11:46]

Það er einnig merkilegt að enginn geri athugasemd við að aðaleigandi stundarinnar er Vilhjálmur Þorsteinsson fyrrverandi gjaldkeri samfylkingarinnar sem þurfti að segja af sér vegna upplýsinga um Tortólareikninga hans í panamaskjölunum.

[Arnór Baldvinsson, 23.10.2017 kl. 16:23]

Fyrirsögnin þarf að vera "Siðleysi Íslenskra blaðamanna"  Þeir eru allir í pólitískum skotgröfum og þar er það alltaf sannleikurinn, sem tapar.

[Reputo, 23.10.2017 kl. 23:03]

Upplýsingar um siðleysi og mögulegt lögbrot ráðamann toppar alltaf bankaleynd. Það er bara fólk sem er búið að velja sér lið og aldrei tilbúið að refsa liðinu, sem finnst siðleysi ráðamanna í lagi... sem er stórmerkilegt.

[Baldinn, 24.10.2017 kl. 10:50]

Páll skrifar " Ríkjandi viðhorf vinstrimanna er að tilgangurinn helgi meðalið. Lygi, falsfréttir og blekkingar eru lykillinn að árangri í pólitík, er viðkvæði vinstrimanna. Útkoman verður siðlaust samfélag."

Fyrir utan hvað þetta er heimskur texti að þá spyr ég .  Ætla Sjálfstæðismenn að kenna okkur litla fólkinu um góða siði ?