RÚV miðaði á Bjarna, en hitti Guðna Th.

RÚV hannaði fréttir um að Bjarni Benediktsson forsætisráherra bæri ábyrgð á uppreisn æru kynferðisbrotamanns. Fréttahönnun RÚV fylgdi þekktri uppskrift fréttafölsunar um að gefa í skyn misræmi í framburði og styðjast við hálfsannleik annarra fréttamiðla.

En tilræðið á Bjarna geigaði og hitti fyrir Guðna Th. forseta, eins og alþjóð er ljóst þegar bréfið um uppreisn æru Roberts Downey liggur fyrir með undirskrift forseta.

Nú vandast málið fyrir RÚV. Ef Bjarni væri enn i skotlínunni myndi RÚV gera sér far um að teikna hann upp sem sérstakan vin kynferðisafbrotamanna.

En Guðni Th. situr uppi með skömmina. Hann sem forseti sagði nýverið, þegar hann átti að skrifa undir skipun dómara við landsrétt, að hvergi væri sjálfsagt að forseti skrifaði undir stjórnvaldsákvarðanir sem honum væri á móti skapi.

Mun RÚV hundelta Guðna Th. með fréttaásökunum um að hann sé besti vinur kynferðisafbrotamanna? Verða fréttaskýringar þar sem borin er saman rannsókn forsetaembættisins á tilurð skipunar dómara við landsrétt annars vegar og hins vegar uppreisn æru kynferðisbrotamannsins? Verða álitsgjafar kallaðir til að fordæma forsetann?

Nei, ekkert af þessu mun RÚV gera í málefnum forsetans. Guðni Th. nýtur friðhelgi á fréttastofu RÚV en það er skotleyfi á Bjarna Benediktsson.

Bréfið sem veitti Robert uppreist æru

Athugasemdir

[Ragnhildur Kolka, 5.8.2017 kl. 09:21]

Þrátt fyrir milljarða í rekstrarfé gerir RÚV sig sekt um slugs. Í stað þess að lepja lygar úr samfélagsmiðlum hefði fréttamaðurinn getað tékkað hvenær Bjarni tók við ráðuneyti Ólafar. Það lá nefnilega þá þegar fyrir hvenær Róbert hlaut uppreist æru.

En fréttamaður kaus að "skúbba."

[Ómar Ragnarsson, 5.8.2017 kl. 12:51]

Í stjórnarskránni stendur að forseti Íslands sé ábyrgðarlaus af stjórnarathöfnum. Hvort hann lét einhvern tíma einhver orð falla um það atriði í lögum skiptir ekki máli. 

[Heimir Lárusson Fjeldsted, 5.8.2017 kl. 21:21]

Ekki stætt á að bera blaka af RÚV í þessu máli.

[Anna Sigríður Guðmundsdóttir, 5.8.2017 kl. 22:17]

Guðni er ekki kosinn sem eiræðisherra yfir alþingi Íslands, heldur þjóðkjörinn forseti Íslands með tilheyrandi valdalausum höftum!

Eða er forseti Íslands með einræðisvald?

Hver veit?

Kannski maður ætti að hringja í Danadrottninguna Frakkaprinsgiftu til margra ára, og spyrja hvernig lögin hljóma um Kristjáns konungs valdið á Íslandi?

Bara spyrja í góðri einlægni um staðreyndir?

M.b.kv.