RÚV: skuggi Davíðs yfir sigri Macron

Einn af lífstíðarábúendum á RÚV, Óðinn Jónsson, er eins og Vöggur, litlu feginn, þegar hann kætist yfir sigri Macron í Frakklandi. Ekkert er vitað hvað Macron stendur fyrir, annað en að vera And-Le Pen.

Á RÚV er það ekki sigur Macron sem veldur straumhvörfum í pólitík, alþjóðlegri sem innlendri, heldur Davíð Oddsson.

Eyjan endurbirtir þessi orð RÚV-arans með lífstíðarábúðina: 

Ritstjóri Morgunblaðsins á ekki samleið með hófsömum evrópskum lýðræðissinnum. Hatrið á Evrópusambandinu er þvílíkt að hann ber blak af Marine Le Pen, líst bara vel á hana.

Til að hnykkja á fordæmingunni segir Óðinn að Reykjavíkurbréf Morgunblaðsins gæti eins birst í ,,rússnesku Putin-blaði eða í málgögnum öfgasamtaka."

Nú er almennt viðurkennt að Brexit, sigur Trump í Bandaríkjunum og sókn Le Pen í Frakklandi eigi það sameiginlegt að vera andóf gegn valdaelítum sem sniðganga almannahagsmuni. 

Samkvæmt RÚV-aranum er Davíð uppreisnarmaður gegn valdastéttinni. En RÚV er varðhundur hennar.

Trump og Pútín senda Macron kveðju

Athugasemdir

[Ragnhildur Kolka, 8.5.2017 kl. 13:27]

Þegar talið er saman þeir sem sátu heima, þeir sem skiluðu auðu (ógildu) og 34% Marine Le Pen náði Macron kjöri með 30-32% atkvæða þjóðarinnar. Og stór hluti þeirra var ekki til stuðnings honum heldur gegn Le Pen. Ekki skrítið að Óðinn Jónsson og RÚV séu að fara á taugum og dragi þá Davíð Oddsson inn í dæmið í von um að dreifa athyglinni.

Þau vita að fyrr eða síðar fattar almenningur að þetta er engin "yfirburðasigur" eins og álitsgjafi RÚV, Egill Helga, er að reyna að halda fram.

[Sigurður M Grétarsson, 8.5.2017 kl. 13:45]

Það er rangt mat að Trump eða Le Pen séu andóf gegn valdaelítunni. Þetta eru þjóðernispoppúlistar sem ala á fordómum og hatri og í tilfelli Trump vinnur hann gegn almannahagsmunum en með hagsmunum fjármálaveldisins og ríka fólksins. Til dæmis var það að afnema Obanacare og skilja þannig 24 milljónir manna eftir án sjúkratrygginga á næstu árum aðeins gert til að geta lækkað skatta á þá ríku og auka hagnað sjúkratryggingafyrirtækja enda styrkur þau verulega þá frambjóðendur Repúblíkana sem vildu afnema þessar opinberu sjúkratryggingar.