Byggt fyrir ferðamenn, ekki ungt fólk

Ferðaþjónusta er niðurgreidd með því að virðisaukaskattur er þar lægri en í öðrum atvinnugreinum. Fjárfestingar leita eftir arðsemi og fara fremur í uppbyggingu á gistirýmum fyrir ferðmenn en að byggja íbúðarhúsnæði fyrir ungt fólk.

Andríki tekur saman helstu rökin fyrir jafnari aðstöðu atvinnugreina. Þar segir:

Til stendur að lækka almennt þrep virðisaukaskatts úr 24% í 22,5%. Takist það verður almenna þrepið lægra en það hefur nokkru sinni verið frá upptöku virðisaukaskattsins fyrir rúmum aldarfjórðungi. Samhliða verður undanþágum frá almenna skattinum fækkað. Verð á flestum neysluvörum Íslendinga mun lækka við þessar breytingar og ætti það að leiða til lækkunar á vísitölu neysluverðs og þar með lækkunar á verðtryggðum lánum.

Lækkun á neysluverði, lægri lánskjör og lægra húsnæðisverð er í þágu almennings, ekki síst ungs fólks. Þeir sem leggjast gegn lægri og jafnari virðisaukaskatti tala ekki fyrir almannahagsmunum heldur sérhagsmunum.

Íbúðaverð eins og árið 2007

Athugasemdir

[Hrossabrestur, 21.4.2017 kl. 07:27]

það er nokkuð ljóst að það þingfólk sem er andsnúið þessum breytingum eru ekkert annað en ótíndir lobbyistar og varðhundar fyrir sérhagsmunahópa.

[Jóhann Elíasson, 21.4.2017 kl. 12:06]

Það vita það allir sem vilja vita að undanskot frá skatti í ferðaþjónustunni eru alveg gífurlega mikil.HALDA MENN AÐ ÞAÐ SÉ EITTHVAÐ MINNI GLÆPUR AÐ SVÍKJA UNDAN SKATTI Í LÆGRA ÞREPINU HELDUR EN Í ÞVÍ HÆRRA????

[Hrossabrestur, 21.4.2017 kl. 12:24]

Góður Jóhann, þetta er náttúrlega alveg yfirgengilegur vesældómur hjá yfirvöldum að láta undanskot ferðaþjónustunnar og annara viðgangast.