Píratar vilja einkavæða áfengissölu

Þrír þingmenn Pírata, Jón Þór Ólafsson, Ásta Guðrún Helgadóttir og Viktor Orri Valgarðsson, flytja áfengisfrumvarpið í félagi við þingmenn úr Sjálfstæðisflokki, Bjartri framtíð og Viðreisn.

Frumvarpið gerir ráð fyrir að áfengi verði selt í matvöruverslunum og mætir andstöðu í samfélaginu. Nú býður formaður Sjálfstæðisflokksins þá málamiðlun að áfengissalan fari til einkaaðila en haldi starfseminni að öðru leyti óbreyttri - þ.e. að áfengi verði selt í sérverslunum.

Píratar eru áhugasamir að færa einkaaðilum ábatasöm viðskipti og hljóta að stökkva á tilboð forsætisráðherra.

Vel hægt að færa áfengisverslun til einkaaðila

Athugasemdir

[Ragnhildur Kolka, 5.3.2017 kl. 00:11]

Það eru engin rök fyrir einokunarverslun ríkisins með áfengi. Lýðheilsu, barnaverndar og allt annað sem tínt hefur verið til er í besta falli rök til að banna sölu áfengis, en ekki til að halda versluninni í höndum ríkisins.Fyrir nú utan að það er enginn að tala um að leggja á áfengisbann. Fólk vill fá sopann sinn og ríkið vill fá skattinn.

Þessi andstaða fólks við afnám einokunar er ein af þessum þverstæðum í íslenskri þjóðarsál sem líklega verður aldrei útskýrð.

[Predikarinn - Cacoethes scribendi , 6.3.2017 kl. 01:26]

Heyr heyr Ragnhildur!