Gunnar Smári stofnar sósíalistaflokk - á RÚV

Maðurinn sem stjórnaði fjölmiðlaveldi Baugs, Gunnar Smári Egilsson, stofnar Sósíalistaflokk Íslands á grunni Fylkisflokksins, sem átti að leiða okkur inn í Noreg.

Gunnar Smári steypti Baugsútgáfunni í Danmörku í glötun og kostaði það 25 milljarða. Sami maðurinn gerðist múslími um tíma, til að vinna fjölmenningu brautargengi.

Síðustu misserin gefur Gunnar Smári í slagtogi við þekkta kapítalista út Fréttatímann. Kapítalistarnir yfirgáfu Gunnar Smára fyrir nokkrum dögum.

Svar Gunnars Smára er að stofna sósíalistaflokk og heimta hærri skatta á kapítalista, sem þó myndi skila fimm milljörðum minna en nemur tapi Gunnars Smára í Danmörku. Dýr yrði Smárinn allur.

Alltaf finnur Gunnar Smári sér viðhlæjendur sem ríma við frelsunarguðspjallið hans hverju sinni. RÚV er skelin sem best hæfir kjafti nýorðins sósíalista.

Athugasemdir

[Ómar Ragnarsson, 6.1.2017 kl. 07:56]

Mikill er máttur RÚV, sem stofnanda allra þeirra stjórnmálaflokka, sem fréttist af á Íslandi! 

[Jón Valur Jensson, 6.1.2017 kl. 09:32]

Ómar, þú veizt það vel, að RÚVarar höfðu bakkað upp Þóru Arnórsdóttur sem forsetaframbjóðanda, og 2016 stóður þeir við bakið á Guðna Th. sem hafði því miður ekki góða forsögu í Icesave-málinu, en var vitaskuld þeim mun fýsilegri fyrir RÚVara að styðja!

RÚVarar hafa líka, eins og Fréttablaðið, stutt Pírata með sífelldum fréttum af þeim 2015-16, og ekki yggldist á þeim brúnin við að sjá ESB-flokkinn "Viðreisn" koma fram á sjónarsviðið.

Svo voru RÚVarar í opinberri herferð gegn Framsóknarflokknum og nú enn gegn Sigmundi Davíð Gunnlaugssyni. Um 800 (ekki 600) aðrir munu hafa genzt Panamamálum í gegnum Landsbankann, en fleiri að auki í gegnum hina bankana. Ekkert heyrist af þeirra málum á RÚVinu!

RÚVarar taka náttúrlega undir með þeim sem gera árásir á útgerðina, og Gunnar Smári hefur sýnt það nógsamlega í þessum óvelkomna Fréttatíma sínum (sem hann á því miður vaxandi hlut í, en fer þó kannski á hausinn), að hann er langt til vinstri. Það var ágætt hjá Páli að minna hér á sjálfstæðis-fjandsamlega stefnu hans fyrir nokkrum misserum. Gunnar Smári er þó óvitlaus nema kannski á viðskiptasviði og í vali sínu á pólitískum ídeólógíum.

[Jón Valur Jensson, 6.1.2017 kl. 09:34]

... stóðu þeir ...

... tengzt Panamamálum ...