Benedikt vonast eftir vinstri stjórn - með Viðreisn

Benedikt Jóhannesson formaður Viðreisnar og skuggaritstjóri Hringbrautar vonast til að vinstristjórn verði mynduð á Íslandi. Benedikt herjar á Sjálfstæðisflokkinn og gengur langt í að gera frænda sinn, Bjarna Ben., tortryggilegan.

Nýjasta framlag skuggaritstjórans tekur af öll tvímæli um hvert Viðreisn stefnir. Í ítarlegum pistli á Hringbraut eru aðaláhyggjur ritstjórans að Vinstri grænir muni svíkja það loforð sem þeir hafa gefið um að mynda vinstristjórn með Pírötum.

Benedikt og Viðreisn veðja á að annað hvort Björt framtíð eða Samfylking falli af þingi svo að Viðreisn geti hlaupið í skarðið og tekið þátt í vinstristjórn með Pírötum og Vinstri grænum.

Athugasemdir

[Friðrik Friðriksson, 22.10.2016 kl. 17:26]

Er ekki síðuhafi vanur að gera Pírata tortryggilega.

Það er samt þó nýbreytni að þetta er ekki RÚV færsla hjá síðuhafa.

[Kolbrún Hilmars, 22.10.2016 kl. 17:59]

Viðreisn er þrátt fyrir nýtt framboð ekki fædd í gær og er það skynsöm að bíða eftir talningunni uppúr kjörkössunum.  :)

[Hrossabrestur, 22.10.2016 kl. 18:16]

Þá eru Píratar allavega komnir út úr skápnum með það að þeir eru vinstri flokkur.

[Halldór Egill Guðnason, 23.10.2016 kl. 01:10]

"með Pírötum og VG" hlýtur að hafa átt að vera niðurlag þessa pistils.

 Góðar stundir, með kveðju að sunnan.

[Helga Kristjánsdóttir, 23.10.2016 kl. 03:13]

Já smá mismæli! Ég var að hlusta á endurtekið efni á útv.Sögu,þar sem Lilja Alfreðsdóttir og Sigurður Ingi sátu fyrir svörum.Ég verð að segja að þjóðin má ekki við því að missa þessa konu úr stjórn landsins. Hún er ekki búin að vera lengi í starfi þar sem næg  verkefni og flókin eru við að fást. Samt er hún búin að undirbúa Ísland undir breyttar aðstæður vegna Brexit og spara þannig tíma sem nýtast mun vel við nýja viðskiptasamninga. 

[Páll Vilhjálmsson, 23.10.2016 kl. 08:33]

já, með Vinstri grænum. Takk fyrir leiðréttinguna.