Guðni Th. og baráttan um Ísland

Kjörtímabilið 2009-2013 stóð yfir hatrömm barátta um Ísland. Vinstristjórn Jóhönnu Sig. beitti sér grimmt fyrir áróðrinum um ónýta Ísland. Markmið áróðursins var að brjóta niður andstöðu þjóðarinnar við aðild að Evrópusambandinu, Icesave og nýrri stjórnarskrá.

Guðni Th. talaði máli Jóhönnustjórnarinnar um ónýta Ísland. Hann skrifaði greinar þar sem hann gerði lítið úr afrekum þjóðarinnar, beinlínis til að draga kjarkinn úr þjóðinni.

Grein Guðna Th. í Vísi.is í ágúst 2009 er dæmi um viðhorf hans til þjóðarinnar og sögu okkar. Við eigum að skammast okkur fyrir að hafa flutt matvæli til Bretlands í seinni heimsstyrjöld; við stóðum okkur illa í þorskastríðinu og við eigum að borga Icesave til að komast inn í ESB.

Það fór í taugarnar á Guðna Th. að þjóðin hlustaði ekki á hann sem talsmann Jóhönnustjórnarinnar á síðasta kjörtímabili. Þess vegna talaði hann um ,,fávísa" Íslendinga árið 2013 þegar sýnt var að pólitísk dagskrá Guðna Th. fékk ekki hljómgrunn.

Stuðningur við Guðna Th. er stuðningur við áróðurinn um ónýta Ísland.

Guðni Th. talar um þorskastríðin

Athugasemdir

[Sigfús Ómar Höskuldsson, 1.6.2016 kl. 12:59]

Langar i upphafi að þakka höfundu fyrir hans framlag við að múlbinda starfsmenn RÚV með að setja fram sínar skoðanir hér á veraldrarvefnum. Vel gert Páll. Þannig Ísland vill líklega Páll, að sumir megi/eigi að segja sitt, hinir eigi bara að þegja.

En að málefnum dagsins. Þá liggur það fyrir, höfundur er íhaldið uppmálað, hér skal engu breyta, láta þessi 10% sem eiga nú 3/4 allra eigna vaxa, láta menntakerfið (sem höfndur starfar við) grotna niður, samhliða heilbrigðiskerfinu og löggæslu. Höfundur vill að þeir ríkari verði ríkiar, hinir geta bara átt sig. 

Höfundur er hér að lýsa Íslandi sem margir Íslendingar vilja ekki. Þess vegna mun Guðn TH taka þetta núna í Júní. Gott væri ef höfundur gæti þá óskað honum til hamingju. 

[Ásthildur Cesil Þórðardóttir, 1.6.2016 kl. 20:47]

Mikill er máttur Guðna að hafa svona mikið áhrif bæði með Icesave og ESB.  Held reyndar að í hvert skipti sem greinarhöfundur og fleiri hér tjá sig um Guðna, fara fleiri á hans hlið og að sama skapi fækkar þeim sem hafa geð í sér til að veita besta vininum atkvæði sitt.  Er þetta ekki alveg komið nóg?

[Jón Ragnarsson, 1.6.2016 kl. 21:49]

Ef Guðni er svona áhrifamikill sem fræðimaður, þá getum við rétt ímyndað okkur að hann verði öflugur forseti!

[Baldinn, 1.6.2016 kl. 22:46]

Það er hér á neheimum líklega um 40 menn og konur sem telja sig hafa mótekið sannleikann. Þessi sannleikur snýst bara að litlu leyti um foringjann þeirra heldur snýst hann um hreinræktað skítkast á einn frambjoðanda.  Síðuhafi er þarna í fremtu röð enda vanur skítadreifari sem titlar sig sem blaðamann og lætur sem sannleikurinn sé hans til að opinbera. Skiptir hér engu hvaða aðferðir eru notaðar því að hann veit betur en við hin enda sjálfskipaður talsmaður hins sanna.  Amma mín kallaði svona menn mannleysur og ætla ég að láta hennar orð standa hér sem lokaorð.

[Jón Valur Jensson, 2.6.2016 kl. 01:39]

Fyrirsjáanleg innlegg Jóhönnustjórnarviðhengja koma ekki lengur á óvart. Athyglisvert er hins vegar, hve róður þeirra er reglubundinn hér sem víðar og einbeittur að því marki að slá skjaldborg ... ekki um alþýðuna, heldur frambjóðandann dr. Guðna Th. Jóhannesson dósent, sem var fjarri því að taka sér stöðu með íslenzkum skattborgurum á Icesave-ásóknar-árunum. Af því má gjörla sjá, að þeir hafa réttilega borið kennsl á hann sem sinn mann og raunar helztu von Evrópusambands-innlimunarsinna í kosningunum innan fárra vikna.

Og glöggur er Páll Vilhjálmsson hér sem fyrri daginn í greiningu sinni á skelfilega dapurlegri aðkomu dr. Guðna að öllum þessum málum allt frá 2009 og ennþá í hans flóttalegu varnarviðleitni í stað þess að hann játi á sig yfirsjónir, sem kannski væri bara sjálfsagt að fyrirgefa honum, ef hann héldi ekki svona dauðahaldi í réttmæti fyrri yfirlýsinga sinna, óspávísra og illa grundaðra.

Til samanburðar hefði verið feginsamlegt að hafa séð frá honum einhvern vott af hinni góðu arfleifð frá Jóni forseta Sigurðssyni, sem jafnan vildi standa á lögum og rétti og "aldrei að víkja", en þetta var þjóðinni enn ofarlega í huga í landhelgismálinu, eins og Andrew Gilchrist, sendiherra Breta hér 1958-60, bar vitni um í minningabók sinni: Þorskastríð og hvernig á að tapa þeim (þýð. Jón O. Edwald, Rvík: AB 1977), þar sem hann ritaði m.a. (s. 163): "Íslendingar hafa alltaf lagt mikið upp úr lögum."

Sú var ógæfa Guðna Jóhannessonar að velja sér ranga ráðgjafa í Icesave-málinu: að sperra eyrun í hrifningu við stórkarlalegum Kúbu- og Norður-Kóreu-yfirlýsingum prófessora í viðskiptadeild HÍ, en sýna sérfræðingum í lagalegri réttarstöðu lýðveldisins enga virðingu á sama tíma, mönnum eins og Magnúsi Thoroddsen, dr. Stefáni Má Stefánssyni, Sigurði Líndal og Reimari Péturssyni.

[Baldinn, 2.6.2016 kl. 08:59]

JVJ.  Ekki reikna ég með að þú skliljir eða viljir skilja hvað það er við þessi skrif ykkar " sannleiksfólksins um þennann frambjóðanda sem fer í taugarnar á mér og fleirrum.  Ég t.d. er enginn Guðna maður, hafði hugsað mér að kjósa Andra.  Það sem manni ofbýður er þetta gengdarlausa skítkast í þessum forsetakosningum á mann sem er kurteis og hóvær að mati lang flestra.  Það skal týnt til og snúið út úr öllu.  Fram til þessa hafa forsetakosningar farið fram á fallegri máta en nú.  Þú ert hér fremstur í flokki enda líklega leiðinlegasti og þrætugjarnasti maður á íslandi.  Ég les oft þín skrif og ég veit eiginlega ekki hvaðan þú færð þessa trú á að þú vitir alltaf best og síðan talar þú alltaf niður til þeirra sem eru ekki á sömu skoðun og þú. Eitt er víst að ég er ekki einn um þessa skoðun á þér Jón Valur.  Mér er samt ekki illa við þig en ég vorkenni þér.

[Jón Bjarni, 2.6.2016 kl. 11:41]

Hvað fannst Davíð sjálfum um Þorskastríðin?

http://www.visir.is/david-taldi-thad-lysa-politisku-hugrekki-ad-semja-i-thorskastridinu/article/2016160609794