1918 staða í pólitík

Vinstri grænir eru turninn á vinstri kanti stjórnmálanna með um 20 prósent fylgi. Samfylkingin er dauð með undir 8 prósent fylgi. Vg er afkomandi Alþýðubandalags sem hélt uppi merkjum þjóðernissinnaðra vinstrimanna.

Samfylking rennur frá krötum í Alþýðuflokknum sem kenndu sig við frjálslyndi í alþjóðamálum er þýddi þjónustulund við það stórveldið sem vildi Ísland hverju sinni; Danmörk, Bretland, Bandaríkin og Evrópusambandið.

Vinstri grænir verða forystuafl vinstrimanna eftir næstu kosningar. Raunhæfur möguleiki er að þeir myndi tveggja flokka stjórn með Sjálfstæðisflokknum. Ástæðan fyrir því að slíkt er gerlegt er að ESB-umsókn Samfylkingar og umræðan í kjölfarið sameinaði þjóðina í afstöðunni til utanríkismála. Slíkt hefur ekki gerst síðan 1918 þegar þjóðin sameinaðist um fullveldi.

 

Sjálfstæðiflokkurinn með 31,1% fylgi

Athugasemdir

[Ívar Pálsson, 12.5.2016 kl. 08:37]

Flott að XD er stærstur en hrikalegt að sósíalistar (VG) og sósíal- anarkistar (Píratar) næðu 33 þingmönnum saman! Alflandsfélögum hlyti að fjölga aftur þá, þar sem þjóðnýting viðskiptalífsins kæmist aftur á dagskrá.

[Sigurður Helgi Magnússon (IP-tala skráð) 12.5.2016 kl. 08:51]

Framsóknarflokkurinn er svo í stórsókn er það ekki?

[Helga Kristjánsdóttir, 12.5.2016 kl. 14:04]

Þarftu að spyrja Sigurður? Ég veit ekki hvað maður á að kalla þá sem stóðu að glæpnum gegn formanni hans í Kastljósi,fyrst Samfylkingin er í andarslitrunum. Margir munu kjósa Framsókn,enda með allra sköruglegasta fólk innanborðs.

[Sigurður Helgi Magnússon (IP-tala skráð) 12.5.2016 kl. 20:58]

Það sést Helga. Að vísu fær Framsókn alltaf meira í kosningum en könnunum vegna þess að 67 ára og eldri fá ekki að taka þátt í könnunum.

[Elle_, 13.5.2016 kl. 00:29]

Hvað ætlar SAMfó að vera lengi dauð?  Hvað kemur svo?  Steindauð?