Ísland, óttinn og ESB-aðild

Misheppnaður hræðsluáróður Samfylkingar og ESB-sinna eftir hrun, um að Ísland yrði fast í efnahagslegri steinöld án evru og ESB-aðildar, er orðinn að útflutningsvöru.

Breska dagblaðið Telegraph birtir fréttaskýringu um hve illilega hræðsluáróðurinn misheppnaðist. Tilefnið er þjóðaratkvæði í Bretlandi í sumar um hvort landið verði áfram innan ESB eða hætti aðild.

ESB-sinnar í Bretlandi reyna ítrekað að beita hræðsluáróðri fyrir svartnættinu sem myndi taka við utan Evrópusambandsins.

Þegar hræðslan er helsta röksemdin fyrir ESB-aðild er umræðan meira í ætt við trúarbrögð en yfirvegaða ígrundun. Og ESB-aðild er hjátrú sem stenst hvorki rök né reynslu.

Athugasemdir

[Ásthildur Cesil Þórðardóttir, 10.3.2016 kl. 07:43]

Einmitt, hræðsluáróður virðist eina úrræðið, því önnur rök eru ekki sennileg.