Katrín vill losna við Steingrím J. og hans lið

Katrín Jakobsdóttir formaður Vinstri grænna mælist ítrekað vinsælasti stjórnmálamaður landsins. Samt hreyfist fylgi flokksins ekki spönn frá rassi, er undir tíu prósent.

Katrín er komin á þá skoðun að gamla settið, Steingrímur J., Björn Valur, Svavarsdóttir og fleiri, séu dragbítar á flokkinn. Katrín segir á flokksráðsfundi:

Það er því nauðsynlegt að hver og einn í forystusveit flokksins, sem samanstendur að mestu af reynsluboltum, íhugi hvort hann sé rétta manneskjan til að framfylgja stefnunni.

Þetta eru nokkuð skýr skilaboð. Samkvæmt Katrínu eru viðbrögð næsta lítil - alveg í samræmi við fylgi flokksins.

Athugasemdir

[Gunnar Th. Gunnarsson, 27.2.2016 kl. 19:35]

VG er flokkseigendaflokkur í sinni tærustu mynd

[Anna Sigríður Guðmundsdóttir, 27.2.2016 kl. 20:36]

Segir Katrín Jakobsdóttir, sem ekki gat fórnað neinu í sínu eigin klíkuplani, í fyrirfram plönuðum svikaloforðaflaum valdaelítunnar í Vinstri Grænum árið 2009? Óskiljanlegt!

Það er sorglegt að fylgjast með hvernig ungt fólk ætlar að breyta einhverju til hins betra, með sömu gömlu og óheiðarlegu svikaaðferðunum. Traust og trúverðugt orðspor byggist ekki á gömlum og ótrúverðugum svikaaðferðum!

Hvers vegna skilur fólk ekki þá augljósu betrunar-undirstöðureglu rétt upplýsts, siðmenntaðs og mannlegs samfélags, að betrun byggist ekki á gömlum skipulögðum svikum og brotnum orðsporsgrunni?

Hvað er að fólki sem sér framtíðartækifæri og réttlæti í fyrirfram skipulögðum svikum? Hvernig er hægt að hjálpa fólki sem hefur svona siðferðislega brenglaðar hugmyndir um heiðarleika og upplýst lýðræði?

Eða er það bara ég sem er með svo brenglaða sýn á heiðarleika og réttlæti, að ég skil þetta pólitíska svikaplott ekki sem siðmenntað ferli? Er ég þá siðblind og blekkingarmeistararnir eru siðmenntaðir og réttlátir?

Getur einhver útskýrt þetta svikaleynimakk fyrir mér og öðrum? Þöggun á staðreyndum og sannleika er ekki í boði, og skaðar alla sem að slíkum blekkingum er látinn standa.

M.b.kv.

[Ásthildur Cesil Þórðardóttir, 27.2.2016 kl. 20:46]

Hún á frama sinn í flokknum Steingrími að þakka, af því að hann taldi hana vera eftirgefanlega(gluggaskraut) hún þagði með honum um plottið um umsóknina í ESB fyrir kosningarnar 2009, þegar þau voru á fullu að sækja um aðild með Jóhönnu.  Því má aldrei gleyma, þessi kona er jafn svikul og Steingrímur.

[Helga Kristjánsdóttir, 27.2.2016 kl. 21:55]

Eins og skrifað beint úr mínum heila Ásthildur,enda vorum við á þeim tíma eiginlega eins og rafeindatengdar á toppstykkjunum. Mb.Kv.

[Anna Sigríður Guðmundsdóttir, 27.2.2016 kl. 21:58]

Áshildur mín. Takk fyrir þetta innlegg. Ég var farin að halda að ég hvorki myndi hlutina rétt, né skildi hlutina rétt.

Þegar þú kemur með þína tryggu og stálminnugu visku, þá gengur mér betur að muna og skilja mig og mína skoðun.

M.b.kv.

[Ásthildur Cesil Þórðardóttir, 28.2.2016 kl. 09:17]

Takk stelpur mínar 

[Hrólfur Þ Hraundal, 28.2.2016 kl. 11:22]

Alltaf gaman þar sem stelpur eru og nokkuð raunsæt mat hjá Ásthildi.