Samherji kaupir umfjöllun

Á fésbók birtist texti í þágu Samherja sem almannatengslafyrirtækið KOM kaupir. Textinn auglýsir Samherja sem fórnarlamb í deilum við Seðlabanka. Í Viðskiptablaðinu, en þaðan eiga eigendur KOM rætur sínar, er grein sem rekur raunir Samherja.

Þessi aðferð, að kaupa sér stöðu á fjölmiðlamarkaði í deilum við yfirvöld, er ættuð úr smiðju Jóns Ásgeirs Jóhannessonar. Hann og Þorsteinn Már forstjóri Samherja voru viðskiptafélagar í Glitni og e.t.v. fleiri útrásarævintýrum.

Samherjamenn una því ekki að vera teknir til rannsóknar. Þeir vilja vera ríki í ríkinu, hafnir yfir lög og rétt. Í Samherjalandi eru sumir jafnari en aðrir, rétt eins og á tímum útrásar. Við vitum öll hvernig fór fyrir þeirri sjóferð.

Úrásin kenndi okkur klíkuauðvald er vond tegund auðvalds. Útrásin kenndi okkur líka að veikar stofnanir eru ávísun á alræði auðmanna. Við afþökkum Samherjaland.

Athugasemdir

[Snorri Hansson, 24.9.2015 kl. 18:18]

Ég er mjög oft sammála þér en ekki nú.

Þetta er sýnishorn af þjóðaríþróttinni að níða niður þennan atvinnuveg sem við lifum á.

Allir eiga að svara fyrir sig ! ef þeir telja að opinberir aðilar brjóti á sér . ALLIR.

Ég, þú og allir hinir.