Sjálfsvirðing Kára

Ísland á að leggja sjálfstætt mat á alþjóðamál og byggja utanríkisstefnu sína á því mati. Kári Stefánsson kallar það sjálfsvirðingu að þiggja matsgerðir frá Washington og Brussel um stöðu alþjóðamála.

Kári temur sér rússafóbíu, sem mjög er í tísku, og gengur út á að Pútín og félagar séu illa gerðir, og segir Rússa stefna að ,,heimsyfirráðum."

Það eru undarleg heimsyfirráð sem byrja á því að gefa frá sér, til ESB og Nató, nær alla Austur-Evrópu. Ef slík stefna væri ráðandi í Washington og Brussel þá væri ólíkt friðsælla í heiminum en raun er á.

Sjálfsvirðing Íslands er að leggja sjálfstætt mat á stöðu alþjóðamála. Það eykur ekki sjálfsvirðinguna að vera hlaupatík Washington og Brussel.

 

Ylli meira tjóni en nemur Rússagullinu

Athugasemdir

[Jón Valur Jensson, 21.8.2015 kl. 11:40]

Sannarlega verða ekki allir sammála hinum sjálfum sér ósamkvæma Kára Stefánssyni í þessu máli, sjá umræður sem byrjaðar eru á vefslóð hans:

http://www.visir.is/kari-segir-islendinga-aetla-ad-afklaedast-sjalfsvirdingunni-til-ad-spara-fe/article/2015150829769

[Páll Ásmar Guðmundsson, 21.8.2015 kl. 14:40]

Hvað áttu við með að "gefa frá sér"?! Er Pútin bara rosa góður gæji af því að t.d. Rúmenía "fékk leyfi" hjá Pútin að ganga í EU árið 2007 eða t.d. Litháen of. 2004   Þessi lönd réðu því sjálf sem betur fer og hafa ekki einu sinni landamæri að Rússlandi.  EN kannski sér hann að sér og vill koma í veg fleiri "mistök"

Ég held að maður þurfi ekki að reiða vitið í þverpokum til að átta sig á því að Pútin er mjög hættulegur.  Þegar Sovétríkin liðu undir lok kom Yeltsin á því skipulagi að gömlu sovétlýðveldin fengu aukið sjálfræði jafnvel eigin fána stjórnarskrá og budget.  Pútin hefur snúið þessu öllu við.  Afnumið staðbundnar kosningar, minnkað völd leiðtoga ríkjanna og sett sjálfan sig yfir þá ásamt því að breyta skattkerfinu Moskvu í hag.  Putin er eins og margir leiðtogar sem hafa verið of lengi við völd orðinn geðveikur af valdasýki.  Líkur benda til þess að Eistland sé næst á listanum eftir Úkraínu, en 47% eista eru rússneskumælandi og gætu þurft á rússneskri "vernd" að halda og líklega var fyrsta skrefið reyndar stigið þegar eistneskur landamæravörður var leiddur í gildru af rússum og handtekinn fyrir upplognar sakir. 

[Borgþór Jónsson, 21.8.2015 kl. 17:23]

"Líkur benda til þess að Eistland sé næst á listanum eftir Úkraínu, en 47% eista eru rússneskumælandi og gætu þurft á rússneskri "vernd" að halda og líklega var fyrsta skrefið reyndar stigið þegar eistneskur landamæravörður var leiddur í gildru af rússum og handtekinn fyrir upplognar sakir." 

Þetta er einhver fyndnasta rökleysa sem maður hefur séð lengi.

[Hans Haraldsson (IP-tala skráð) 21.8.2015 kl. 18:15]

Eins og Páll Ásmar bendir á hér að ofan þá gáfu Rússar ekki frá sér A-Evrópu heldur misstu tökin á henni og flest ríkin hlupu undir verndarvæng vesturlanda við fyrsta tækifæri þrátt fyrir mótmæli Rússa.

Það er áhugavert að eftir marga pistla þar sem "útþensla" NATO og ESB hefur verið fordæmd þá segi blogghöfundur allt í einu nær öll A-Evrópa hafi verið gefin vesturlöndum.

[Ómar Bjarki Kristjánsson, 21.8.2015 kl. 18:18]

Nei.  Ekki rökleysa.  Er nefnilega dáldið til í þessu.

Á bakvið háttalag Putins er þjóðrembingur.

Undirliggjandi er að ,,rússneska þjóðin" hafi sem víðast ítök, sér í lagi þar sem eru einhverjir rússar.  Austursvæðin eru undirlögð af svæðum þar sem er umtalsvert magn rússa.  Hvar ætlar Putin að stoppa?

Það er allt hættulegt þegar þjóðrembingur fer úr böndunum.

Mörgum rússum sveið það þegar Sovét hrundi.

Í efnahagskrísunni í Rússlandi um 2009 missti Putin mikið til vinsældirnar, féll í áliti.

Það var þá sem hann fór að höfða inná þessa þjóðernislínu.

[Helga Kristjánsdóttir, 21.8.2015 kl. 19:07]

   Allt leitt af líkum! Jafnvel hughrif skáldsins í sköpun sinni. Mamma mía! Ég meinaða,ofur mennið búinn að greinaða.
     

[Ómar Bjarki Kristjánsson, 21.8.2015 kl. 19:25]

Almennt um efnið, þá held ég að sumir íslendingar vanmeti stærðargráðu þessa mál.  Þetta eru stórpólitískir atburðir þar sem er ekkert hlutleysi til.

Sem dæmi má nefna, að nú er umræða hafin í Danmörku, eða háttsettir aðilar þar hafa látið þau orð falla, þar sem skorað er á færeyinga að nýta sér ekki viðskiptabann rússa á Evrópu.  (Því Færeyjar sleppa enn frá viðskiptabanni Putins)

Þ.e.a.s. að það er beint og óbeint höfðað til siðferðis Færeyja eða Ráðamanna Færeyja.  Skorað á þá að nýta sér ekki ástandið.

Íslendingar myndu nýta sér slíkt en munu færeyingar gera það?

[Ragnhildur Kolka, 21.8.2015 kl. 20:18]

Kári má eiga það að hann er alltaf ýmist í ökkla eða eyra.