Sigurður Einarsson hafnar réttarríkinu

Sigurður Einarsson fyrrverandi stjórnarformaður Kaupþings er iðinn við kolann að gera réttarríkið tortryggilegt. Sigurður fær reglulega tækifæri að sýna iðrun vegna sannaðra og dæmdra brota.

Í stað þess að játa og viðurkenna misgjörðir er Sigurður einbeittur í þeirri málsvörn að segjast saklaus þótt dómstóll dæmi sekt. Sigurður telur sig hafinn yfir réttarríkið.

Hugarfar Sigurðar veitir innsýn í heim íslensku auðmannanna frá tímum útrásar. Og minnir okkur á að trúa þeim aldrei fyrir einu eða neinu. Upp til hópa eru þetta menn sem sagt hafa sig úr lögum við samfélagið. Slíkir menn eru hættulegir.

Segir niðurstöðuna vonbrigði

Athugasemdir

[Wilhelm Emilsson, 27.6.2015 kl. 19:09]

Ég sá ekki betur en að síðuhafi hafi verið að hafna þingræðinu um daginn þegar hann skrifaði: "Algjört aukaatriði er hvort alþingi starfar eða ekki. Og enn minna atriði er hvort svokölluð starfsáætlun þingsins sé fyrir hendi eða ekki."

[Páll Vilhjálmsson, 27.6.2015 kl. 21:20]

Ég var að tala um alþingi núna og fram á sumar, hvort það færi í frí einhverjum vikum fyrr eða seinna. Ég átti ekki við að engu skipti hvort alþingi kæmi saman yfirhöfuð. En hvað kemur það réttarríkinu við?

[Wilhelm Emilsson, 29.6.2015 kl. 03:05]

Réttarríkið og Alþingi eru hornsteinar íslensks lýðræðis. Mér finnst ósamræmi í því að gagnrýna mann fyrir að gera réttarríkið tortryggilegt, en gera svo lítið úr Alþingi sem stofnun.