Opinberir starfsmenn geta ekki ráðið launum í landinu

Launakjör opinberra starfsmanna hljóta alltaf að vera fall af launum á almenna vinnumarkaðnum. Afkoma fyrirtækja í landinu ræður því hve mikið er til skiptanna. Þetta gildir á Íslandi og í öllum ríkjum sem búa við blandað hagkerfi.

Til að tefla ekki lifi og heilsu landsmanna í hættu verður ríkisstjórnin að setja lög á heilbrigðisstéttir, sem bannar þeim verkföll tímabundið. Aðrir opinberir starfsmenn verða að gera upp við sig hvort þeir fresta verkföllum eða auglýsa hroka sinn.

Umræða síðustu vikna leiðir í ljós staðfastan vilja ríkisstjórnarinnar að gefa ekki kost á verðbólgusamningum. Þegar það rennur upp fyrir verkalýðsforystunni að slíkir samningar eru ekki í boði þá verður samið. En það getur tekið tíma. Og það er alltaf nægt framboð af tíma.

Undrast orð forsætisráðherra

Athugasemdir

[Jón Ingi Cæsarsson, 25.5.2015 kl. 10:38]

Stjórnvöld sömdu við lækna og framhaldsskólakennara, það eru þau viðmið sem allir hafa að leiðarljósi.

Fullyrðingin stenst því ekki núna.

[GunniS, 25.5.2015 kl. 11:08]

þetta er merkilegt ef það er horft á það að korteri eftir kosningar fengu alþingismenn og aðrir opinberir toppar. um 11% hækkun launa, og sumir feita afturvrirka hækkun.

[Skeggi Skaftason, 25.5.2015 kl. 12:19]

Þegar einstaklingur ræður sig í vinnu er í aðalatriðum tvennt sem ræður laununum sem hann fær, hversu mikið launagreiðandinn er reiðubúinn að borga, og hversu mikið launþeginn sættir sig við. Þannig hefur auðvitað einstaklingurinn nokkuð um það segja hvaða laun hann fær, hann ræður því hvort hann tekur starfinu eða ekki.

Ef ríkið ætlar áfram að sýna jafn miðið úrræða- og áhugaleysi í þeirri kjaradeilu sem nú setndur yfir við stéttir sem hafa verið samningslausar í brátt 3 mánuði gæti staðan orðið sú að enn fleiri segi upp störfum og skipti um starf eða fari af landi brott.

[Elfar Aðalsteinn Ingvarsson (IP-tala skráð) 25.5.2015 kl. 12:40]

Framhaldsskólakennarar settu tónin með tugprósenta kröfu sinni, þér fannst það sanngjarnt á sínum tíma Páll.