Mótsögn mannúðar

Í Norður-Afríku og Miðausturlöndum er fólk sem þjáist vegna stríðsátaka og samfélagsupplausnar. Mannúðlegt væri að Vestur-Evrópa, sem býr við frið og velsæld, tæki við flóttafólkinu.

Ástæðan fyrir því að víðast í Vestur-Evrópu er lítill vilji til viðtöku flóttamanna frá þessum heimshlutum er sú að reynslan kennir að múslímska menningin, sem fólkið flytur með sér, lagar sig ekki að vestrænum samfélögum.

Múslímskir menningarkimar í Vestur-Evrópu fóstra andstyggð á vestrænni menningu og ala af sér einstaklinga sem reglulega fremja hryðjuverk á vestrænum almenningi. Fjölgun múslíma í Evrópu er uppskrift að fjölgun ofbeldisverka þar sem saklausir borgarar eru helstu fórnarlömbin.

Mannúð, sem leysir vanda í Norður-Afríku og Miðausturlöndum, með því að flytja vandann til Vestur-Evrópu, er ekki mannúð heldur mistök.

Vandi flóttamannanna verður ekki leystur nema í heimahögum þess. Og það mun taka tíma. Múslímsk menning stendur frammi fyrir áskorunum sem kristin menning leysti úr, með blóðsúthellingum, á tímabilinu frá 30 ára stríðinu á 17. öld og fram yfir frönsku byltinguna.

Grípa til aðgerða gegn smyglurum

Athugasemdir

[Sigurður M Grétarsson, 19.5.2015 kl. 07:17]

Það er einfaldlega kjaftæði að múslimar í Evrópu ástundi meira ofbeldi en aðrir íbúar þeirra landa. Vissulega fylgja því alltaf eitthvað meiri árekstrar þegar innflytjendur eru af öðrum menningarheimi en þeir sem eru þar fyrir en það sem fyrst og fremst skapar þau vandamál í Evrópu eru innfækddir sem hafa fordóma í garð múslima og ástund ofbeldisverk geng þeim eða skemma eigur þeirra. 

Það eru ekki múslimarnir í Evrópu sem eru vandinn heldur þeir innfækkdu Evrópubúar sem hatast við múslima.

[Ómar Ragnarsson, 19.5.2015 kl. 07:43]

Nákvæmlega sömu röksemd er beitt gegn blökkufólki í Bandaríkjunum. Bent á tölur sem sýna að mesta glæpatíðnin sé hjá því í borgunum, það rotti sig saman í sérstökum hverfum og aðlagist ekki að þjóðskipulagi hvítra, og þess vegna sé stuðningur tið blökkufólk og réttindabaráttu þess ekki mannúð, heldur mistök.  

[Predikarinn - Cacoethes scribendi , 19.5.2015 kl. 18:58]

Sigurður M

Þú lærir ekkert af r0kum og staðreyndum sem er búið að sýna þér um tíðina um hversu villur vega þú ferð í svo endalaust m0rgu. Þú veður samt áfram.... maður spyr sig: Er það kannski af því að þú skoðar ekki r0kin og staðreyndier eða hitt að þú ert einn þeirra sem ekki getur lesið þér til gagns ?